記得初初玩露營嘅時候，每次大包小包不下數十磅裝備，雖然唔係重裝但唔同營具加加埋埋都會非常重，個時真係非常渴望可以Car Camping。相信唔少谷友同小編一樣都非常有同感，一個營地如果可以Car Camp一定加唔少分。
最近朋友分享一個主力做Car Camping嘅露營秘地，附近風景優美仲極少光害，講到咁吸引？就等小編實地考察考察啦，講明先呢個唔係廣告嚟。
主力Car Camping．遠離城市小污染
講緊嘅係位於上水虎地坳村嘅虎地山莊 Carpus & Co. 園區佔地22,000平方呎，可以同時容納約80 人，而且主力做Car Camping，可以容納20架車。
園區鄰近梧桐河及雙魚河畔，遠離城市環境十分優靜，營友扎好營帳之後，可以係梧桐河散步，唔想行嘅話，營地提供單車租借服務，營友可以沿住單車徑一邊踏單車一邊欣賞風景，仲可以去埋河上鄉食馳名豆腐花，真係爽到無朋友呀。
因為營地遠離城市，所以極少光害，可以訓係度睇星星，真係一絕呀！如果好彩，夏季仲會見到螢火蟲呀。
周邊環境清優 園區內設施齊備
營地主人都係一班鍾意露營同Car Camping嘅朋友，開辦營地最初原意係想一班露營朋友可以有個地方一齊玩，所以營地設計都完全fit哂營友需要。園區內有廁所，冷熱水淋浴間，乾淨整齊，女士們一定安心滿意。
親力親為 悉心打造園區
園區內嘅一大片綠悠悠草地都經過細心打理，原本營地係一片爛地，凹凸不平，草地都係營地主人親手處理。 從填平園區、買草、 鋪草及從山上拉水管裝置花灑系統，全部都係營地主人嘅心思所在，所以大家黎到可以享受一片靚草地。 除此之外營地提供硬地停車場，營地主人都係愛車之人，不過主張減少汽車使用，所以建議大家盡量只開一架車露營。
自家種植香草 歡迎營友享用
營地種植各式各樣香草，好似羅勒、薄荷葉、迷迭香、營友大展廚藝嘅時候可以免費採摘，讓大家完全享受色香味。
小編同營地主人傾偈完全感受到佢地對露營嘅熱誠. 可以從喜歡露營到自己落手落腳去經營一個場地, 真係少啲誠意都唔成事。
與大熱品牌合作，舉辦Chums Park
1月Chums Park仲同Chums合作，讓一眾熱愛Chums嘅營友可以盡情享用來自Chums品牌嘅露營用品，鍾意Chums嘅朋友要留意啦！
從2022年1月開始, 入營朋友都可以參加Chums Park，只要大家入場時攜帶一樣Chums品牌嘅露營用品，就可以參加Chums Park，向營地租用全套Chums露營用品。讓營友可以預先試用Chums產品，用過覺得適合先再買，減少浪費。
小編睇過真係超靚, 今次真係兩手Fing Fing去露營啦，依家已經可以預約1月營位參加Chums Park啦~仲等？營位極緊張，大家快手BOOK定啦。
虎地山莊 Carpus & Co
Website: https://www.carpuslifestyle.com/
WhatsApp: https://wa.me/85292479210
黎緊4月 Carpus & Co X Chums X HKCAMP， 有聯乘活動！？
好消息當然唔好俾佢停！
HKCAMP香港人露營分享谷好開心可以連同虎地山莊 Carpus & Co及Chums係黎緊4月舉辦聯乘活動，HKCAMP會員可享優先報名權。今次春季露營節內容豐富，而且仲有豐富限定禮品，大家營友要密切留意HKCAMP同Carpus & Co嘅Facebook專頁及網站公佈啦~
約定大家, 我哋營地相遇
**以上圖片及資料來源: HKCAMP香港人露營分享谷 & 虎地山莊 Carpus & Co
**以後關於露營圖片及分享，記得打Hash Tag（#HKHKCAMP）
相關資訊:
Comments