呢兩年間，身邊多咗唔少朋友加入成為營友，對營地嘅需求都相繼提升。同時間出現好多唔同類型嘅營地。HKCAMP小編到訪過大大細細嘅營地，但從未見過家庭式經營嘅。最近小編認識咗一個由大家庭共同經營管理嘅高質營地，到訪後除咗營地設施帶黎驚喜之外，仲深深感受到來自大家庭嘅溫馨感覺。
今次到訪嘅營地就係粉嶺流水響鶴藪路嘅《四季休閒農莊》，與營地負責人接洽時，已經感覺到對方非常有禮貌，到訪營地之後真心帶比小編好多驚喜。一個好營地，當然要同大家分享啦
附近景色優美 地理位置便利
四季休閒農莊位於粉嶺, 屬於八仙嶺郊野公園範圍. 附近有行山熱點流水響水塘及鶴藪水塘. 仲有極具人氣嘅天空之鏡, 落羽杉. 每年十二月至一月期間落羽杉會慢慢變成啡紅色. 營友除咗可以享受露營嘅樂趣, 仲可以欣賞靚景, 識玩一定係咁玩!
位於八仙嶺郊野公園範圍內, 所以交通都好方便. 營友只要係粉嶺站乘坐52B小巴, 落車行一段路就到達流水響水塘. 小編當日就見到有小巴直接係營地門外停車落客, 真係非常方便!
地方開揚 場地規劃完善貼心
農莊佔地超過16萬呎，空間感十足非常寬敞開揚，一入大門就係停車場，營主仲特別購入多架露營小車，方便營友搬運裝備到營區非常細心，而且區域劃分十分清晰，要用嘅設施都應有盡有。
農莊四面被山包圍，地形好似一個山谷一樣，非常優靜。而且農莊內有一條保育小河，河水清澈，仲有魚仔呀~
設有接待處 方便營友查問
營主係園區內設有接待處位置, Check in或者租借物品都可以幫到大家, 為大家提供協助.
提供Cookset, 爐具, 營具, 營帳等裝備租借服務, 只要大家租借營具帳篷, 仲會幫大家起營. 唔想帶食物, 仲可以幫大家預訂, 完全可以兩手Fing Fing去露營.
而且營主一家非常友善. 大家有咩問題都會盡量滿足. 到訪當日, 小編就見到佢地一家人分工合作為營地佈置, 真係好溫馨呀!
設施完善整潔 洗手間半小時清潔一次 大家用得舒心又放心
營地內設有多個洗手間及冷熱水淋浴間，營主鍾意乾淨所以堅持每半小時沖洗一次。大家無睇錯係半小時清洗一次，而且淋浴間仲鋪設隔水台，令整體感覺更乾淨舒服，洗手間外放置風筒方便大家使用，呢個真係長頭髮女士嘅恩物呀~
園區內共享廚房設有幾個大雪櫃，無冰箱嘅營友冷藏食物更方便，而且洗手盤做哂過濾。會定時清潔，咁大家就可以用得舒服。
共享空間夠哂Chill 大小朋友有專屬樂園
貼心嘅又點止呢啲?!
園區內設有兩個共享休閒空間，放置多張餐台椅、大型營帳、吹氣沙發等⋯⋯比大家使用，最令小編心心眼就係，休閒區仲設有投影器及日式火爐，有時仲會舉行電影放影會及邀請Live Band表演，試唸下圍住火爐，聽住Live Music睇星星，Chill到爆。
小朋友一樣有專屬嬉戲樂園，休閒區隔離擺放左韆鞦架、搖搖板、幻彩波波等⋯⋯將來仲會有小滑梯，除咗小朋友鍾意一眾女士都可以影下靚相，打打卡！
栽種真草地 堅持每個營友都有足夠空間
草地對於營友黎講係非常非常重要，所以從購入草皮，栽種培植到維護，營主都一絲不苟。只要大家到現場睇到綠悠悠嘅草地，都會同小編一樣心心眼。營主堅持為入場營友提供一片高質草地，會因為維修草地而選擇暫停開放，目的就係為左大家可以親親大自然，感受眼前一片綠草。
堅持嘅仲有空間感!
小編目測扎營區域位置非常寬闊，但佢哋堅持最多只收三十個營，唔會為咗做生意已減少營友嘅空間感，認為大家平時生活已經夠哂壓迫，難得出黎露營希望大家有空間可以走走，真正可以放輕鬆!
不停步 為營友打造更多休閒區 更多新體驗
雖然大部份設施及建設都已經完成，但營主仍然希望可以加建其他項目，讓入場營友有更多選擇，好似有大家都鍾意嘅車Camp區，到訪當日見到工作人員打理草地，大家之後就可以帶埋愛驅係一片靚草地上露一露啦!
另外, 營地計劃興建帆船營區, 體驗另類露營, 真係好期待呀!
仲會不定期舉辦音樂, 電影播放分享, 工作坊等小體驗. 希望大家除咗露營, 仲可以一家大細一齊參與活動, 享受家庭樂!
到訪過大部份營地, 小編第一次感受到原來私人營地都可以帶比人溫馨窩心嘅感覺，營主待人接物嘅態度就好似家人一樣親切，每一個細節都睇到佢哋一家人嘅小心思，加油！
如果大家有興趣, 可以直接按以下查詢啦~
四季休閒農莊
Facebook: https://www.facebook.com/fsvhk/
WhatsApp: https://wa.me/85298827219
約定大家, 我哋營地相遇
**以上圖片及資料來源: HKCAMP香港人露營分享谷
**以後關於露營圖片及分享，記得打Hash Tag（#HKHKCAMP）
相關資訊:
Comments