小編們一直以來周圍捐窿捐罅去搵特色營地, 大多數報導嘅營地都以車Camp及普通Camping為主. 最近有谷友inbox話想睇睇Glamping嘅推介喎?!
Glamping顧名思義就係Glamorous Camping, 豪華露營嘅意思. 小編今次到訪嘅營區就係位於錦田嘅牧緣田里, 去過之後, 又真係超Glamorous呀!~
附近係行山徑 一齊尋找貓頭鷹足跡
牧緣田里遠離市區, 附近係青潭水霸. 營友放底裝備之後, 可以沿住小路行上山. 小編到訪當日, 已經見到唔少行山影相發燒友係水霸上等待貓頭鷹出現啦!
水霸附近環境清優, 而且行山徑係行山BB班都handle到嘅, 即使無做開運動嘅朋友都可以輕鬆完成! 正呀!
營區劃分清晰 享盡Camping及Glamping樂趣
營地設有Reception位, 報到之後就有專人帶大家前往營區. 營區內有唔同區域, 主要分Glamping區及扎營區.
特色Glamping營帳 打卡呃Like無難道
每個Glamping區都各有特色. 小編特別鍾意呢個巨型波波星空營. 星空營分兩個Size, 分別適合1-2人及4人租用. 營帳內走北歐簡約風格, 同另一半或者好朋友黎玩返晚, 打下卡, 真係超正呀!
仲有詢問度極高嘅蒙古包營帳, 以及設於平台, 私癮度特別高嘅雙人帳篷. 每一個都有自己特色. 係咪唔知點選擇呢?!
特色梯田露營區 享受一望無際嘅稻田
營地扎營區設係梯田之上, 背後係山, 前方係一望無際嘅稻田, 一片綠悠悠, 感覺就好似置身係台灣山區一樣優靜!
想包場同一大班朋友開party? 都無問題. 園區內仲有唔同大細嘅露營區, 木棉里, 銀杏里, 樟樹里, 及榕樹里都可以提供包場服務. 要搞小型party都絕對可以!
設施充足 未來仍不停加建營區
園區內除咗有必須嘅冷熱水淋浴間, 洗手間外, 仲保留咗原居民留落黎嘅古早爐灶! 除此之外, 仲不停擴充營地. 係蒙古包區附近, 將會有另一個梯田式露營區. 小編都非常期待呀.
突然即慶想露一露? 唔想帶裝備? 抑或係唔想買食物入場? 園區都一一幫大家搞掂.
場地設有營具租借服務, 因為係新開業, 所以營具大部份都係超級新淨! 而且仲有代訂食物服務. 真正可以兩手fing fing去露營啦~
開辨導賞團 帶領營友邊走邊學
牧緣田里計劃之後會開辨導賞團, 帶領大家一齊上山長知識. 將來仲會有其他興趣班, 岩哂曬一家大細黎放鬆一下呀!
如果想試試特色Glamping, 就要黎體驗一下啦. 但一定要快!!手慢就無哂位啦!!
牧緣田里訂位:
榕樹里 請按此
木棉里 請按此
銀杏里 請按此
樟樹里 請按此
歡迎大家報料, 話比我哋知, 有咩正嘅營地分享比大家, 或者大家想睇咩場地介紹啦~
約定大家, 我哋營地相遇!
**以上圖片及資料來源: HKCAMP香港人露營分享谷 & Holimood **以後關於露營圖片及分享，記得打Hash Tag（#HKHKCAMP） 相關資訊: EP1 至潮至CHILL 錦田綠活城鄉Green Lohas~ EP2~Chill遊元朗白泥生態保育農莊~ EP3~要享受農莊露營樂趣? 就要黎元朗八鄉小蜜蜂農莊啦~ EP4~想要非一般露營新體驗, 就係沙頭角禾田喜山~ EP5~一個Camp Site試哂唔同營區, 仲等? 緊係要黎長洲西園啦~ EP7~私人營地以外, 設備完善嘅營地選擇,保良局賽馬會大棠渡假村~ EP8~上水全新露營場《雙魚.小丘》 一營一獨立雪櫃，5星級露營新感受~ EP9~細心! 貼心! 真正明白營友需要嘅元朗牛潭尾Grassroom! EP10 - 由華山玩到自資營地上水虎地山莊Carpus & Co
Comments