相信好多鍾意露營嘅朋友都會鍾意到不同嘅營地露一露。上水即將有個5星級嘅全新營地開幕？營區內設施配套都睇得出營主嘅心思，一營一獨立雪櫃全港首創，6歲以下小朋友免費，週末家庭樂露營之選。
講緊嘅係即將係11月20日開業嘅雙魚.小丘啦！小編有幸可第一身到現場。
雙魚. 小丘位於上水古洞，香港盆栽會及上水哥爾夫球場附近。位置便利， 只需要係上水港鐵站，坐的士約7分鐘就到達啦。如果自己開車， 營地設有停車場， 方便營友泊車，非常方便。
場地內設有免費哥爾夫球車接送，方便長者或行動不便人仕，露營人士都無需擔心行李搬運問題。
GoogleMap
超靚大草地，專人維護
雙魚. 小丘佔地60,000呎，可以容納大約100人， 營地空間十足， 而且仲有車Camp玩，真係超爽呀。
營區最大特色之一，就係塊真草皮。小編一入場， 已經比眼前一片綠油油嘅草皮吸引住。須知道， 對於一眾營友黎講， 草皮係十分重要。
營主專程請左專人負責照顧草皮，從買草，養草都有專人負責，唔怪得草皮又密又軟，見到都想訓返下，相信對草地有要求嘅谷友一定會好滿意。
5星級營地，享受星級設施
叫得5星級營地，設施絕對係完善，小編都係第一次見到如此高質嘅營地，每一個營位除左設有獨立電源，水喉之外， 仲有一個屬於自已嘅獨立雪櫃同風筒，唔洗再同人共享，想點就點。 呢個可以講係全港獨有，連小編都覺得好驚喜呀！真係點都要去試試。
戶外太陽能滅蚊機都覆蓋全場，仲24小時運作，真正同啲蚊講拜拜。
營地非常注重衛生同整潔，完得更安心。
到大家露營時非常重視嘅廁所啦，營區內設置十多個洗手間，十分充足仲好新好靚，更有多個冷熱水浴室，女士同小朋友唔洗再擔心洗手間問題，玩得更安心。
另一細心位，洗滌區和早晨漱口區分開架，絕對唔會再有人係洗面盆洗菜沖肉的情況出現，呢樣絕對加分，好正。
多個娛樂室，不定期節目應有盡有
除此之外，另一亮眼位，雙魚.小丘內有不少多用途娛樂室，可供租用令私隱度更高，開業後將會用黎搞畫展同咖啡室及工作坊等，令你享受更不一樣得露營感覺，當日小編立即決定預訂聖誔營位啦，因新開業，暫時六日仲有位，要把握機會訂假期及節日營位。
悉心栽種，環境舒服享受完美日落
另一特色係營區內栽種左不同種類植物圍繞整個場地，有超過80棵羅漢松、 細葉榕、金柳、辣椒、金錢串柳、各種香草。 讓入營營友，親親大自然， 遠離煩擾，欣賞日落美景，晚上享受寧靜星空。
總結隨着私人營地不斷將服務升級，原來營露都可以有如此貼心服務，屬全港罕有。等大家可以黎開開心心享受5星級露營。
Whatapps訂位: https://wa.me/85298883225
雙魚.小丘官方網站: www.camptopia.hk
係咪睇到都想去呢. 如果想了解更多, 可以到佢地Facebook, IG睇睇呀
*《雙魚．小丘》由 Our Villas 營運。Our Villas致力開拓泰國及香港旅遊服務，並重視探索社會新需要，為本地及海外旅遊者提供住宿膳食、交流實習、企業參訪等配套。
《雙魚.小丘露營攝影遊戲比賽》送你泰國普吉島樂古浪泳池別墅，10人五日四夜住宿
剛剛小編收到消息，所有入營朋友都可參加《雙魚.小丘露營攝影遊戲比賽》，入營朋友只要拍下係雙魚.小丘露營嘅靚相，再加上對場地露營嘅感受，UPDATE上雙魚.小丘Facebook，影得最好可以獲得以下獎品:
冠軍🏆獎： 泰國🇹🇭布吉悅榕莊樂古浪，五套房，獨立泳池花園別墅，可住10人。五日四夜，連機場接送（有效期至2022 年底）
優異奬(五份)： 雙魚小丘二人住宿，三日兩夜（星期日至四）
比賽詳情請到雙魚.小丘Facebook了解。
等小編都影下靚相先，可能小編都有機會得到泰國普吉島樂古浪泳池別墅，哈哈。
仲等？ 約定大家，我地營地相遇~
**以上圖片及資料來源: HKCAMP香港人露營分享谷/ 雙魚. 小丘
**以後關於露營圖片及分享，記得打Hash Tag（#HKHKCAMP）
Comments