小編向來嚮往外國舉辦嘅露營祭, 好似日本嘅Outdoor野營祭. 但依家正值疫情, 連飛嘅願望都好似好遙遠, 更唔好講參加外國露營祭啦.
機會嚟啦飛雲~! 唔洗飛去外地, 係香港都一樣可以參加到露營祭啦.
講緊嘅係由香港本地露營活動策劃團體UNIO舉辦嘅UNIO 21a Camping Fest. 活動係上星期十月一至三日完滿結束啦. 小編有幸可以得到UNIO邀請, 到現場親身感受人生第一次係香港舉行嘅露營祭.
今次UNIO 21a Camping Fest係一個三日兩夜, 集市集, 音樂, 美食於一身嘅露營祭典. 活動地點正正係上次HKCAMP拍片嘅元朗生態保育農莊. (按此, 可以睇返上次我地首條短片), (按此, 可以睇返營地介紹), (按此, 可以直接預定營位).
如果營友們今次參加唔到, 都可以睇住報導止下渴~繼續留意住HKCAMP, 下次我地話比大家知, 到底香港首個露營祭係點呢?
約定大家, 我地營地相遇
**以後關於露營圖片及分享，記得打Hash Tag（#HKHKCAMP）
Comments