2022年8月25日已讀 2 分鐘

復古+科技+潮流=New Balance 重塑改良之作M1906R 2000s !!

New Balance迷一定唔會唔記得，10幾年前品牌顛覆傳統，將復古格調同科技未來感集於一身，設計出科技跑鞋 1906。相隔10幾年後嘅今日，New Balance 重新演繹復刻版本 1906R，仲專程搵黎日本人氣造型師長谷川昭雄（AIKO HASEGAWA）設計出全新形象，各位NB迷真係唔可以錯過！

專訪日本知名造型師為1906R 設計全新形象

兩款1906R係8月19日正式面世，今次更專程搵黎日本知名造型師長谷川昭雄（AIKO HASEGAWA）合作，以「Past」及「Future」作為主題，為兩款鞋設計出全新形象，而且更專訪咗長谷川昭雄本人，到底今次合作背後有咩意念呢?

(PAST)

(FUTURE)

長谷川昭雄對1906R 嘅感覺?

長谷川昭雄非常鍾意 990v5 ，而1906R有著990v5嘅影子，所以佢都非常鍾意1906R。

元祖 1906 係色彩配置上比人濃厚嘅科技跑鞋感覺，今時今日跑步文化已經越黎越備受重視，長谷川昭雄認為 1906R 嘅誕生正正呼應現代人對跑鞋嘅所需，係新一代人氣鞋款。

1906R 最新形象背後嘅創作意念

1906 係2009 年面世，當時正正係追求革新技術嘅時期。所以今次「Past」主題就以拼貼手法呈現當時年代嘅建築。

另一款灰色 1906R 以「Future」作為主題，去除所有多餘元素，寓意1906R係未知將來會陪伴更多人發展出唔同故事。

1906R 切合當今時尚潮流?

現今全球都講求更舒適及更具功能性嘅時尚風格。1906R 係配色上能夠配襯出更前瞻嘅時尚風格，而另一灰色款就適合配襯休閒風，什至 Sports Fashion 造型，無論大家係咩風格造型都可以輕易Carry到。

取材元祖色彩配置 復古科技美學再進化

1906R 將 2000 年代作品 1906 重新演繹，保留當時科技跑鞋美學嘅設計感，同時結合現代科技及融入現今潮流與生活形態嘅美學角度。

新登場兩款 1906R 都用上元祖經典色彩配置作為藍本，當中 M1906RA 完美復刻當年首款 1906 嘅 OG 色系，以白色為主調加上選用大量網眼素材建構鞋面，活現復古型格；進化版嘅 M1906R 同 2002R 一樣採用 N-ergy 配合 ABZORB 科技，發揮高效緩震抗壓，鞋底單元部分呈現科技感線條，鞋面拼接層次配合整體鞋形，更突顯 Retro 感覺。

另一款 M1906RB 則以首款 OG 嘅 2002 作為設計靈感，改用大量 Nubuck 革建構鞋面，並以深灰作為主調，演繹出日系機能美學。