去露營，去旅行， 閒閒地都拎廿幾磅野， 呢個時候，一個實用又舒服嘅背囊真係可以幫輕好多㗎！
依家越嚟越多女仔一個人backpack出動，疫情之前小編經常一個人去旅行，一個人Solo Camping，但女仔體型有別於男仔，所以背包設計都大有不同。Mystery Ranch嘅背囊除咗岩男仔用之外，仲有專為女性而設計嘅背囊！小編實測過後， 真心好卸力，岩哂戶外活動，露營同旅行。
殿堂級背囊品牌背後故事
Mystery Ranch 自2000年成立以來，一直以功能，舒適，質量及耐用性作為產品基礎。22年來致力為軍事、狩獵、山野消防及登山用家供應背包及裝載系統，係美國殿堂級背囊品牌。
創辦人Dana Gleason 年青嘅時候發覺，背包設計錯誤會容易令人受傷或疲倦。憑著佢多年維修背包經驗，設計出合乎人體工學要求及可調較背負系統嘅背包，令用家用得舒適、省力及減少受傷。
有一次，Dana為女兒Alice設計一個新臀袋(Hip sack)，而成為Mystery Ranch專利設計腰包嘅開始。Dana跳出傳統框架，同時保持設計耐用及使用舒適嘅傳統，時至今日，依家保持全球優越嘅質量標準。
女性專屬背囊？ 錫佢就送一個比佢吧！
Mystery Ranch 背包係專為女性嘅曲線身形而設計。肩膀、背部、胸部、盆骨嘅線條，同男性大有不同。女仔要錫自己多啲，唔好再孭為男性設計嘅背囊啦！今日開始就搵一個專為女性而設計嘅背囊啦!
神奇魔力？用過之後吾會再用其他？
Mystery Ranch 的女性背囊系列經過多名女性登山專家反複測試，共同研發出專為女性而設嘅背囊。小編早前實測， 扣好腰帶力可以平分，廿幾磅嘅背囊感覺輕咗好多，孭上身輕鬆咗，孭耐左都吾會攰。
Mystery Ranch 之所以甘好孭完全因為佢嘅可調較角度背負系統，適合唔同身高, 背部高度嘅用家。背包嘅重量需要平均分布係背部, 而吾係落係肩膀上，否則大家肩膀會因負擔嘅重量而感到痛或會受傷。
而腰帶都係亮點之一，Mystery Ranch Women 女性系列嘅腰帶係帶有內弧度，緊貼女生嘅盆骨上臀圍。重量可以好好平分，即使長時間孭住都唔覺累！
弧形背肩帶, 唔會因為重量而壓迫住胸部。肩帶彎位, 配合返大家armpit位置， 唔會產生壓迫感。
女仔要對自己好啲，下次想買backpack去camping holiday就識揀啦！
約定大家，我哋在世界各地嘅營地相遇啦！
相片及資料來源：Mystery Ranch / Supreme Co.
**以後關於露營圖片及分享，記得打Hash Tag（#HKHKCAMP）
Comments