日本露營文化早就好成熟，大部份日本人都有去過露營，亦都會有自已嘅帳篷！最近就2021年日本最好銷量露營帳篷數據出爐，唔知係咪大家熟識嘅大牌呢？如果你想買帳篷都可以參考一下，綜合日本17間露營店舖得出嚟嘅頭五位結果就係下面啦！

第一位: COLEMAN TOURING DOME ST＋ (夏天用好選擇)

估唔到日本最好買第一係Coleman呢隻1-2人營，不過都有佢原因嘅，COLEMAN TOURING DEMO ST＋用咗獨特遮光物料，可以令到營內比一般物料更有效降低溫度， 雖然內帳用咗黑色但都唔覺得太熱，而黑色就更有私隱度同好瞓，如果覺得入邊太黑，亦都可以打開上面天窗，日本網網一致好評。

另外價錢唔貴，小編係日本樂天睇最平$19800日元

第二位: ogawa／ステイシーST-Ⅱ (空間感大， 前廳闊落舒適)

第二位係ogawaステイシーST-Ⅱ呢個唔感意外，因位ogawaステイシーST-Ⅱ出名實用可靠，可容納2-3人加上有個好好用嘅前廳，想要空間絕對係不二之選，咁大個營只有3.9kg，算係唔錯啦，如果你想試試ogawa就可以考慮入手呢個型號。

不高價錢就會高，售 $48400日元。

第三位: MSR ELIXIR2 (輕鬆最輕便之選)

日本第三位MSR香港人都好熟識啦，亦有唔少谷有用緊呢隻ELIXIR2，就連小編朋友都用緊，令朋友最滿意就係輕便同易起易拆，對於輕裝人士嚟講可以講係必入嘅，經得起極端天氣，小編感謝朋友嘅分享。

日本約售 $36000日元起~

第四位: snow peak Amenity Dome M (名牌入門)

終於到佢啦，但竟然係第四位？snow peak Amenity Dome M 除咗名氣之外，其實SnowPeak質量亦都係完勝嘅，Amenity Dome M呢個size適合兩人用，真係啱啱好， 好多人買第一個SnowPeak都會買呢個型號，以呢個價錢能夠買到名牌打卡都唔錯， 屬於入門版。而且用過嘅朋友就會明白SnowPeak嘅魅力所在。

日本售價 $46200日元

第五位: COLEMAN TOURING DEME LX (性價比高)

日本第五位都係估佢唔到又係COLEMAN？排第五銷售量最高嘅係TOURING DEME LX，原因同佢係價錢同簡易化有關，可容納3-4人對於新手呢類係唔錯號選擇，但缺點太重啦成5.2KG，基本上只適合有車人仕。

官方網站售 $19800日元

唔知以上一至五排名，又係咪大家意料之內呢？ 來自日本嘅數據都值得大家參考，如果需要買露營帳篷，真係可以認真研究一下以上嘅型號， 在從中選擇最適合自己嘅，因為都真係可以用好耐， 歡迎大家有啲咩類型嘅資訊都可以同我哋分享。

約定大家，我哋營地相遇啦!~

*相片及資料來源: Ogawa JP / COLEMAN JP / MSR JP / SnowPeak JP

**以後關於露營圖片及分享，記得打Hash Tag（#HKHKCAMP）