KIA 早係 2012 推出首部純電車，一路推陳出新直至 2024，近期推出嘅 EV9 旗艦車同「龍9」一樣話題十足，唔單止配備頂級，價錢同樣係韓國汽車牌子入面嘅頂級貴車之一。但一分錢一分貨，性能、功能都能夠喺車價反映，更有唔少功能切合露營需要，值得愛露營嘅你留意。
KIA EV9車長5米，寬度近2米，SUV車型嚟講算係巨無霸size，四輪驅動配備 379 匹馬力嘅雙摩打系統，加上使用99.8 kWh 電池，官方資料顯示續航能力達540公里，超快充電只需 15 分鐘就足夠行駛 249 公里，絕對足夠日常使用。
要配合唔同露營場景嘅需要，一定要夠靈活，KIA EV9能夠旋轉中排座椅面向後排，只要拉出中控台延伸出嘅托盤枱，就即時成為用餐、互動獨立空間，靈活多變。而且中排設有獨立恆溫冷氣，節省能源。
當中排座椅摺疊後，載物空間即時激增至 828升，有成2.31立方米咁大，放置吹氣床墊就瞬間變身成為休息室，訓係度望住天窗睇星星訓教。
KIA為露營友行多步，推出一系列專為EV9而設嘅露營周邊用品，唔洗你出去左搵右搵，認真抵讚。
EV9擁有V2L（車輛負載）功能，直接輸出電力，能夠為用電設備如露燈、手提電腦充電，最大功率為3.68kW，就算想遊戲機去打都唔成問題，十足老闆車咁高級。
但咁大架車，會唔會好難操控、好難泊？EV9用上智能巡行系統，車身亦配有多個鏡頭，包括左右電子側鏡等，增加操控便利度。而且擁有RSPA2遠端智慧停車輔助系統，就算係狹窄嘅停車位，都可以用遠端停車功能幫你泊車，S位L位，一個制幫你自動泊好，非常方便。
能夠同時擁有SUV高性能，能夠配合各種露營需要，EV9獨對係獨當一面嘅露營新貴之選。
** 以上圖片及資料來源: KIA EV9
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments