1月26日已讀 2 分鐘

「營」造日式 Good Morning・都松庵 X 藍瓶咖啡

有咖啡嘅 Morning 就喺 Good Morning！不過每次露營要帶齊咖啡裝備、咖啡豆確實幾麻煩，小編有時會出動即溶咖啡解決啡癮。

鍾意睇更多露營或潮流玩樂資訊，記得俾個like我哋IG或者Facebook！

啡迷對 Blue Bottle 應該唔陌生，由美國到風靡全球，分店遍佈世界各地，每逢開分店都會吸引長長人龍排隊朝聖，有「咖啡界 Apple」之稱。今次推出日本限定款式日式羊羹速溶咖啡禮品組合，一邊品嚐咖啡，一邊享用羊羹甜點，仲唔係 Good Morning？

Blue Bottle 羊羹唔係普通羊羹，而喺為咖啡而生嘅羊羹，由京都和菓子專門店「都松庵」X 藍瓶咖啡 Blue Bottle Coffee 攜手合作，製造各種創新口味並適合配搭咖啡享用嘅羊羹點心。

禮品組合綜合過去合作，包含 4 款經典口味：原味、綠茶、朱古力、蜜柑果乾，可以一次過品嚐晒 4 種味道！配埋一盒 5 包 Blue Bottle Coffee 即溶咖啡，令人有意想不到嘅驚喜！邊個話羊羹一定要配茶？配咖啡一樣好夾！去露營帶 1 條 Blue Bottle coffee 帶 1 盒羊羹，慢慢嘆，勁有日本 Feel 呀！