年近歲晚年廿八、洗邋遢未呢？ 屋企要做清潔有好多種方法同清潔工具，但露營過後嘅清潔又有咩可以幫到手、做得輕鬆啲呢？小編為大家介紹三件清潔單品，無論洗碗碟、洗下露營用品都可以輕輕鬆鬆，唔洗半粒鐘喇！
1.「wash-U」 鹼性電解水噴霧
家用清潔劑大多使用強酸鹼度嘅化學成份，未必適合清潔營具營帳等，萬一使用不當，除咗破壞營具嘅防水功能，更加會損害用家皮膚。「wash-U」 係一種鹼性電解水噴霧，性質溫和，不含對身體或自然有害的界面活性劑，但同時具有殺菌、除臭作用，對兒童或寵物都安全，所以近年唔少日本餐廳、保育園區同酒店都廣泛使用。
「wash-U」 鹼性電解水噴霧不黏立、無色無味，又唔會污染水或土壤嘅天然成分，只要攜帶一枝噴霧，就可以滿足你戶外時各種清潔需要，用嚟洗碗碟又得、洗營火爐具都得，想為帳幕簡單消毒去味都無問題，可以一次過清除戶外裝備上嘅汗水、皮脂、泥土、病毒等等。使用都非常方便，只需噴灑一下，再用廚房紙或毛巾擦乾即可。
2. KITCHEN MAGIC 一次性清潔劑抹布
露營過後，難免會俾頑固污漬考起，特別係爐火過後嘅廚具，使用後嘅抹布都或者因為污漬而唔能夠再使用，呢個時候，KITCHEN MAGIC 一次性清潔劑抹布就幫到你喇，除咗方便攜帶，含親膚椰子油成份嘅清潔劑，遇水即可起泡，紋理結構亦方便洗碗、吸收污垢。
抹布雖然係一次性使用，但100% 由純棉植物材料製成 ，99%由可生物降解，唔會對環境污染做成負擔，可以安心無憂咁使用。
3. Aion STTA 超快乾吸水棒式海綿毛巾
清潔過後，保持器具乾爽都係非常重要，尤其係香港嘅天氣比較潮濕，如果係三、四月份初春露營後，徹底抹乾淨器材可以避免滋生細菌，防止鐵器用品出現生鏽。Aion STTA 超快乾吸水棒型海綿毛巾，棒型設計配合盒蓋，使用後可以立即套上放入袋，非常方便。
吸水海綿吸水性能強勁，輕輕擠壓就可以去除所有水份，立刻重複使用。使用一段時間之後，更加可以將海綿拆出，放入洗衣機進行簡單清洗。而且體積只有63克，唔會增加露營時裝備嘅負擔，絕對值得露營期間使用。
睇完小編推介後係咪心思思想入手呢？入手有備無患， 唔一定露營仲適合任何情況例如屋企同公司等等⋯⋯想購買直接到官網了解啦。 Wash-U Kitchen Magic Aion STTA
** 以上圖片及資料來源: Wash-U、Kitchen Magic、Aion STTA
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments