唔知大家有無留意，最近IG出現城中熱話搵錢遊戲。發起人係唔同地方擺放一張$100 港幣, 大家可以去提示地方搵出黎, 非常熱捧! 雖然搵錢遊戲未玩到營地, 不過小編搵到一個同搵錢遊戲有異曲同工之妙嘅小遊戲分享一下比大家. 呢個遊戲岩哂同小朋友玩. 下次帶小朋友去露營就唔怕佢哋嗌悶啦!
呢款係露營時、公園或係屋企, 岩哂一家大細嘅親子小遊戲就係迷彩遊戲「MIKKE」! 佢可以考大家眼力之外, 仲可以增加大家對周圍環境嘅觀察力!
迷彩遊戲「MIKKE」一盒有5個唔同形狀小配件. 露營或係公園時, 將5款小配件放係唔顯眼嘅地方, 就好似尋寶遊戲咁搵齊5件小配件出黎. 小遊戲可以培養觀察力, 仲可以同大自然再拉近距離!
尋找過程中, 大家可以透過仔細觀察, 係搵出小配件期間, 發現大自然新事物, 好似樹葉形狀, 植物顏色, 石頭同木頭紋路等等. 從遊戲中認識大自然, 係一項大人細路都岩玩嘅活動.
除此之外, 穿起小配件仲可以當為鎖匙扣或者掛飾, 一物多用. 今個聖誕去露營不妨試試呢個合家歡遊戲啦!
**以上圖片及資料來源: Camp Hack Store
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments