有時露營想訓一教好，需要多方面因素配合，包括要考慮環境溫度、濕度、地勢平坦等等問題，而且每個人對露營生活嘅追求唔同，對露營用品都會有唔同嘅要求，所以真係一門需要時間去反覆試驗嘅學問。小編特意整合平時露營心得，分享購入露營床墊時會考慮嘅幾個因素，如果大家有其他建議，都可以留言分享一下呀!
1）帳篷尺寸： 有時床墊尺寸並唔係愈大就愈好，都要顧及整個營帳嘅尺寸，如果買咗先發覺根本放唔入營帳，功能再勁都會得不償失。就算有空間放得落，都要預多少少空間，萬一需要配合有其他功能嘅床墊嚟混合使用，都會有剩餘空間可用，比較穩陣。
2）保暖需要：
戶外保暖可以話係確保露營時安全嘅重要課題，萬一露營用嘅床墊未能提供足夠保暖效果，身體不知不覺咁慢慢失溫而觸法低溫症狀，情況會相當嚴重，所以保暖最為關鍵。
3）攜帶重量： 輕巧嘅床墊，能夠減低露營裝備嘅負擔，就算一行幾個人，每人一張獨立床墊都唔成問題，更有床墊配以獨特折疊設計，令體積大大減少，收納起嚟可能比水樽更細。
4）床墊種類：
常見款式主要有泡棉式睡墊、充氣睡墊及自動充氣睡墊，三款各有優劣。泡棉式比較傳統，主要好處就係唔需要充氣，避免意外破裂嘅情況，但保溫性能比充氣式差。
雖然充氣式較為保暖，但要配合充氣裝置，難免增加行李負擔。至於以開孔式泡綿自動充氣嘅款式，只需要使用前打開氣孔令空氣進入，使用前關上氣孔就可以令空氣保持喺床墊入面，使用較為方便。
試過咁多款床墊，小編私心推介Therm-a-Rest推出嘅皇牌產品睡墊，產品唔單只有高保暖性、超輕便，更透過尖端構造技術 Triangle Core Matrix™ 與散熱 ThermaCapture™ 技術嘅整合方式，令床墊兼顧保暖同時，減低訓教時床墊自身產生嘅噪音，無論戶外環境係點，相信都可以有教好訓。
NeoAir® XLite™ NXT 睡墊嘅獨有包裝技術，能夠令床墊包裝成大約只有傳統 1L 水瓶嘅大細，輕巧方便。而且擁有專利 WingLock™ 閥門設計，可以簡單快捷咁單向充氣同快速放氣，仲有 4 種不同尺寸任君選擇，認真值得推介！
NeoAir® XLite™ NXT 睡墊
尺寸: 1）Regular: 充氣後: 51cm(W) x 183cm(L) x 6.4cm(D) / 收納時: 23cm x 10cm
2）Large:充氣後: 64cm(W) x 196cm(L) x 6.4cm(D) / 收納時: 28cm x 12cm
3）Regular Wide: 充氣後: 64cm(W) x 183cm(L) x 6.4cm(D) / 收納時: 28cm x 12cm
重量: 1）Regular: 360g
2）Large: 470g
3）Regular Wide: 440g
坊間有唔少款式嘅露營床墊，要搵到舒服、合適嘅，最緊都要係買之前做好research，試多幾款、試清楚先購入，咁就無有怕喇！
**以上圖片及資料來源: Therm-a-Rest
以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
Comments