生活節奏又快又急促，每日唔係面對排山倒海嘅deadline、就係講嚟講去都唔到重點嘅會議，要keep得住團火、一啲都唔容易。所以小編閒時鍾意露兩手，差差電再努力打拼!
不過冬天露營，天寒地凍，加上香港營地要起營火保暖一啲都唔容易! 點樣可以唔生火又keep得住團「營火」，保持溫暖呢?
小編精心搜羅以下4件秋冬必入露營好物，就算今個冬季去戶外露營，都可以無懼寒風，好好enjoy喇！
1）日本HAKKIN PEACOCK 孔雀牌鉑金懷爐
孔雀牌鉑金懷爐自1923年經已面世，至今保暖效果依舊強勁，能夠提供24小時保溫效果，比一次性暖包更為持久耐用。高效率而且輕巧，可以重覆使用，絕對係冬季露營必備恩物。
單睇外表已經心心眼! 細細粒，仲有非一般保暖持久力!
使用前將電油注滿懷爐，然後用打火機係頂端加熱，就會令火口上嘅白金催化劑觸發反應，令電油氣化慢慢釋出熱能。發熱期間唔會產生明火，以低溫形式慢慢燃燒，就算營火熄埋，佢都可以為你提供安全又持久嘅溫暖。
2）CAMPING MOON NX-90 SUNNY LIGHT 加熱式暖爐
Caming Moon 自 2011 年起推出唔少露營用品，當中包括燒烤架、露營櫈及折疊餐枱等等。NX-90 SUNNY LIGHT 加熱式暖爐外殼主要以黃銅製造，可以放係露營專用嘅煤氣爐上直接燃燒，使用方法非常簡單直接。
NX-90 SUNNY LIGHT 加熱式暖爐配搭鎳製造嘅金屬網結構，當直接燃燒時，鎳金屬網會變成橙紅色，釋出遠紅外線令四周環境變暖，能夠短時間內釋出大量熱能，令大家瞬間變得溫暖。
3）THE FIRST PENGUIN 迷你加熱式暖爐
The First Penguin 迷你加熱式暖爐相信大家唔會對佢陌生。佢除咗係暖爐，同時都係一個烤爐，加上別緻嘅大地色系，卡其色及卡其綠，外觀可以講得上無懈可擊。
使用非常簡單，只要裝上樽裝煤氣就可以直接使用，好睇又方便，充分發揮出「營火」嘅力量。
加熱式暖爐設有阻斷安全裝置，當氣壓超過 0.7 兆帕時就會自動切斷燃氣，保障大家嘅安全。
加熱部分四周更裝有安全網，用起嚟都份外放心。火力可以配合需要隨意控制使用唔同擋數，加上設計迷你輕巧，重量唔夠1 kg，唔會加重大家裝備負擔，認真值得推介！
4）日本製金屬熱湯壺
講到保暖，金屬熱湯壺最後呢樣保暖產品真係不可多得! 相信大人細佬見到都會俾佢火燙嘅外殼嚇親，不過只要同佢著返件絨面外套，就可以放心使用。
使用方法同樣簡單直接，只需要加滿熱水就可以立即抱緊取暖，有咗佢就再凍都唔怕喇！
冬天露營，最緊要保暖，即使生唔到營火，以上私心推介係咪即刻令大家暖笠笠呢? 小編會繼續努力搜羅更多露營好物，點燃每位營友心中團火，一齊好好享受露營嘅樂趣！
**以上圖片及資料來源: HAKKIN PEACOCK 孔雀牌鉑金懷爐、CAMPING MOON NX-90 SUNNY LIGHT 加熱式暖爐、THE FIRST PENGUIN 迷你加熱式暖爐 、金屬熱湯壺 ** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments