7月中HKCAMP同COLUMBIA一齊去咗日本，試玩國泰獨家嘅富士山Glamping之旅，享受咗一個超正嘅Glamping假期，等小編分享呢個咁正行程。
今次我哋到山梨県，富士山五湖之一嘅山中湖，屬於比較少遊客嘅地區！但呢到滿佈露營場地，而今次HKCAMP就嚟到2022年先開業嘅「Glamping Village TOTONOI」，呢度最正嘅就係可以望住富士山靜靜地享受一個假期，而我哋三日兩夜嘅旅程，就去咗富士山周邊觀光及 踩單車、行山，感受日本戶外活動。
*由於富士山天氣變幻莫測，HKCAMP小編都好擔心睇唔到富士山。曾經有唔少朋友都話去三次都未必見到一次，所以見富士山絕對靠運氣，今次旅程雖然有雨，但小編非常好彩三日都能夠見到富士全貌，嚟緊YouTube會發佈我哋三日兩夜嘅行程， 記得快啲訂閱留意啦！
人氣「Glamping Village TOTONOI」 富士山靚景波波營
場地入面有六個大大波波營，每一個波波營有獨立花園。可以入住四至六人， 仲可以望住富士山及星空瞓覺！ 側邊小木屋內有廁所、 淋浴間、廚房及飯廳活動空間，可以應付大家所有嘅需要。
國泰呈獻「機票+獨家Glamping體驗」 套票
小編第一次到富士山，之前聽大部份人分享都會住喺河口湖嘅溫泉旅館，不過對於熱愛露營及體驗嘅小編黎講，就會選擇Camping或Glamping營地，可以更加親近大自然嘅優美景色。
今次旅程我哋試咗國泰嘅獨家Glamping體驗，套票包咗場地內唔同體驗及美食；當中BBQ套餐可以品嚐山梨縣出產嘅新鮮食材、和牛、紅酒同當地特產馬肉刺身！ 可以親身望住富士山享受美食，真係人生一大樂事。
富士山下大玩Campfire・煙花・桑拿
套票包咗Campfire同埋煙花體驗，係私人嘅小花園對着富士山慢慢玩，唔驚影響到其他人！私隱度極高。
套票更包括私人桑拿，幫大家隨時隨地消除疲勞，繼續富士山嘅旅程。
富士山周邊戶外活動推介・必穿COLUMBIA功能外套
除咗體驗營地活動外， 有吾少戶外活動都好推介大家試試。 不過富士山周邊天氣經常變幻莫測， 我哋行程更需要步行上富士山五合目，山上及地上溫差非常大，今次天氣變化真係超出小編預期，三日兩夜行程經歷落雨、強風、濕地等等⋯⋯ 建議大家必須穿著防風防水嘅衣物， COLUMBIA功能性衫褲鞋襪，絕對配合到戶外環境需求， 今次行程真係幫到唔少忙呀！
想零死角欣賞富士山靚景, 可以好似小編咁係山中湖踩單車，望住富士山及山中湖優美嘅景色， 真係好舒服。
又上咗富士山五合目觀光，欣賞富士山近距離嘅樣貌。
再去咗露營場地滿佈嘅道志村行山。
大家記得密切留意之後嘅報道以及YouTube影片。
如果大家想訂呢個套票，享受一個咁正嘅富士山之旅，國泰現已開始預售啦，出發日期10月13至27日。
*非常感謝今次贊助HKCAMP去玩嘅:
Cathay 、COLUMBIA、GO WILD
國泰預訂精選「機票 + 獨家 Glamping 體驗」，享獨家禮遇！
預訂日期: 7月26日至8月23日
旅遊日期: 10月13至11月11日
旅客人數: 2至6人
預訂請按
Text : SKY@HKCAMP
Photo : Add@HKCAMP
Model : 宋嘉儀
Comentarios