Converse相信人人都著過, 小編都係佢嘅忠實粉絲, 貪佢顏色多又易襯, 可以講得上係由細著到大. 品牌除咗有最經典嘅系列外，仲有因為戶外活動而設計嘅系列。
Camping Supply系列係2020年首度推出，名思義係為Camping而生。所以係功能上都絕對配合到戶外及露營時嘅需要，今年Converse推出舒適度更高、性能更強、抓地能力更佳嘅MSD CP & CLN CP兩個鞋款，今個盛夏一眾用家就可以落水能行, 出水能跳啦！
Converse Camping Supply - MSD CP涼鞋
先介紹MSD CP涼鞋共有三隻顏色, 軍用白色、土狼色及黑色, 三隻顏色都非常易襯, 小編獨愛土狼色, 大家又點睇?
貫徹品牌經典設計之餘，涼鞋加入帶有 Z 形腰帶設計，只要輕輕推拉腰帶，就可以調整到大家合適嘅鬆緊度，大家穿著起上黎就可以更Fit腳形。
鞋面採用立體網眼設計, 透氣度高, 而且有拒水效果, 落雨或遇到水灘都無有怕.
鞋底採用3D模壓注塑EVA外底, 加深坑紋大大提升防滑及排水功能, 即使係濕滑嘅地面行走, 都有足夠抓地能力. 而且鞋底加寬, 大家係野外行走更穩更舒適.
涼鞋另一個亮點係極富設計感嘅皮帶標籤. 腰帶上有品牌 LOGO及編織型號, 再加埋側邊麂皮拼接, 整體感覺乾淨俐落又不失型格. 最驚喜係定價只售日幣 ￥9,900, 小編睇到極心動
Converse Camping Supply - CLN CP
CLN CP係日本係夏季登場，設計方便用咗拉環鞋帶，就係為咗方便穿脫，懶人便利之選！
鞋面仲採用咗CORDURA®NYCO 防撕裂高耐用材料， 比其他鞋款更耐用！去露營時到營地後輕鬆穿，行山露營又唔易污糟，誠意之作。
CLN CP 同事有軍綠色及黑色， 山系感覺出哂嚟，絕對係一對勁方便又有功能嘅鞋，售價¥13,200相當合理。
今個夏天, 想買對功能鞋款？Converse Camping Supply系絕對可考慮入手。
約定大家, 我哋一齊型住去Camping!
*相片及資料來源: CONVERSE JP
**以後關於露營圖片及分享，記得打Hash Tag（#HKHKCAMP）
Comments