話說DOD品牌特刊上幾次推出嘅儲物袋，收納袋都非常非常之受歡迎。今次金銀島頻道再次推出極可愛又實用嘅兩款露營主題小物。重點係佢哋都係限量品，5月25日正式公開發售啦。
身為DOD迷，又點可以放過？
小編一見到呢個就完全被攻陷。睇外型已經好可愛，而且打開容量超實用。 用黎放餐具就啱啱好啦。仲配埋背帶，可以掛起，帶出去露營，放消毒用品及紙巾都好方便。
DOD帳篷式收納袋
尺寸：H17cm x W17cm x D17cm
細節位置都做得勁可愛，除咗有透明「窗」外，收納袋隻「窗」仲有DOD兔兔。
最抵死係收納袋同實體營帳外型一模一樣，女士們一定Like。 雖然我哋唔係身在日本，有興趣嘅朋友仍然可以搵人幫手代購呀。
瀏覽更多，請按此。
另一款露營小物都非常實用，相信不少朋友都會好似小編一樣愛不釋手。
DOD摺疊式儲物盒
尺寸：H23cm x W12cm x D16cm
呢款可摺疊式收納盒體積超輕巧，仲有DOD手柄，方便露營時攜帶使用。收納盒嘅可摺疊設計，可以一個一個疊起黎，即使係屋企用都可以收納得整整齊齊，人人都變成收納高手啦！
收納盒配備兩種顏色，米色同綠色，小編喜愛綠色， 吾知有冇人同小編一樣呢。
如果你心思思想買，可以搵佢哋幫手~
約定大家，我哋營地相遇啦！
相片及資料來源： DOD
**以後關於露營圖片及分享，記得打Hash Tag（#HKHKCAMP）
Comments