一直有露營界LV之稱嘅Snow Peak, 一直站於露營及戶外用品品牌尖端位置! 高規格產品能配合極端氣候及環境地型需要, 絕對唔會令品牌粉絲失望. 所以每次發佈新品, 都會令人心花怒放!
Snow Peak繼2023年推出首個配備柴火爐嘅雙層帳篷「Rigel Pro. Stove Plus」 (重溫介紹文, 請按此) 後, 於2024年春夏季又有新搞作, 推出最熱門新品“Field Trailer”.
新品Field Trailer 野外拖車索價 ¥2,618,000, 創下Snow Peak品牌售價新高, 相信粉絲們都會非常期待!
2024 年春夏季最新亮點Field Trailer 野外拖車! 這價錢也不為過?
索價200萬日元嘅Field Trailer 野外拖車, 單單售價已經令人嘩然! 不過睇埋配套, 就會認為係物有所值!
車頂帳篷使用方便 只需5分鐘搭建完成
Snow Peak 新型野外拖車Field Trailer係一款連埋車頂營嘅整合式拖車. 只需要透過將附帶嘅蓋安裝到車頂營部分, 就可以直接拖曳.
隨附嘅滑輪安裝係安裝桿上, 連接到車頂帳篷部分, 只需要拉一拉繩, 車頂帳篷只需用 5 分鐘就可以搭建完成. 而且拖車具有外框結構, 可以拆卸窗簾. 即使落雨季節, 都可以除下窗簾晾乾, 非常方便!
車頂營門口好寬敞, 前面兩堂梯安裝後可以穩定地板, 安裝簡單容易.
巨大負載能力 配合唔同用家需要
既然係拖車, 大家對佢裝載能力一定會有期望. Snow Peak又點會令大家失望?
車高183cm嘅Field Trailer 最大負載能力有200公斤, 容量達黑洞級別, 完全唔需要擔心攜帶裝備嘅數量啦!
拖車除咗配備行李艙外, 帳篷內部呈河流形狀, 將帳篷從折疊位置拉開180度, 就可以容納最多四個成年人. 而且佢有一個內建嘅內墊, 幫助升起帳篷, 立即使用.
係日本使用Field Trailer, 只需要憑普通駕駛執照及係汽車上安裝必要部件用黎拖車就可以, 操作簡單, 呢個都係最吸引人嘅地方!
打得又睇得 係露營終極裝備
Field Trailer 野外拖車貫徹Snow Peak型格軍事風格, 採用品牌獨有配色裝飾, 靚仔外型加埋舒適實用, 係露營尖端級別嘅終極裝備.
Snow Peak Field Trailer 野外拖車 (TR-001)
套裝內容: 拖車主體、帳篷底架、帳篷主體、防護頂、遮陽板框架、帳篷手提包、滑輪、梯子(x2)、環扣(x2)、內墊(x2)
行李空間尺寸：172 cm (最大）、128cm（最小）× 238 cm × 99cm（高）
車身重量: 最大 530 kg
裝載能力: 200kg
人數: 4 人
材質：帳篷主體/210D 聚酯纖維防撕裂、PU 塗層耐水壓最小1,500 mm ; 屏蔽屋頂/210D 矽酮聚酯防撕裂、遮光顏料PU 塗層耐水壓最小1,500 mm; 框架/ 鋁合金; 內墊/ 聚酯（外層織物）、聚氨酯（芯材）
售價：2,618,000日圓（含稅）
Field Trailer 野外拖車連車頂營帳預計2024年3月開始接受店內訂單, 5月左右正式發布.
Snow Peak 2024新品展 "New Products Show 2024" 亦會於全日本8個場館及線上場館舉行, 場內設有露營場景展示最新產品, 免費入場. 有機會去日本嘅Snow Peak迷, 記得Mark實日子朝聖啦! 詳細地點及日期, 請按此!
**以上圖片及資料來源: Snow Peak JP
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments