繼 7月HKCAMP同會員及谷友Chill遊書展&運動消閒博覽之後, 8月13日又同大家一齊去埋美食博覽會! 同場更有美與健生活博覽及家電．家居．博覽添! 今日就同大家一齊回顧一下, 下次有機再同大家一齊Chill遊。
7,8月天氣甘熱, 唔去露營都可以同大家去灣仔會展行美食展! 聽聞今年仲有唔同即食又方便拎到戶外享用嘅美食, 為食小編當然要去入定貨啦!
HKCAMP限定！同大家一齊行美食節+尊貴美食區
多謝谷友陪我哋一齊搵食, 仲有香港貿發局嘅同事帶大家導賞, 一齊進入尊貴美食區, 試埋唔同新興又特別嘅食物!
尊貴美食區內有來自世界各地嘅特色美食, 好似露營時一定要有嘅咖啡, 酒, 同埋唔同送酒小食. 小編特別鍾意芝士同埋黎自日本嘅米餅! 唔知大家又鍾意咩呢!
係美食博覽除咗可以試食唔同食品外, 仲有熟食檔同飲品比大家即時享用. 而且仲有好多即場優惠! 大家都大包小包入貨!仲比小編發現買即食米粉仲有露營車送, 迷你版勁Cute呀!
仲有超受歡迎嘅杯麵福袋, 日本動畫搖曳露營中, 必食嘅咖喱味杯麵都有福袋呀!
行完美食博覽, 當然唔好錯過美與健生活博覽及家電．家居．博覽啦! 想買家品, 電器都一應俱全!
再次多謝各位參加會員及谷友，以及香港貿發局同事嘅安排! 非常期待HKCAMP同各位下一個活動，記得留意住我哋嘅資訊啦!
*感謝香港貿發局
Photo: 米@HKCAMP
Edit : 米@HKCAMP
Comments