身邊總會有朋友仔對野外露營無咩興趣，怕要準備多多又無得沖涼食餐好，但想帶佢地入坑享受glamping樂趣？並唔係不可能嘅任務，事關今次要介紹嘅日本 Glamping 場地 Glampark「月下美人」，可以話要幾嘆有幾嘆，一定能夠打動你身邊嘅朋友仔一齊去嘆！ 想預訂日本呢個咁正嘅Glamping按此查詢預訂，HKCAMP專享*九折優惠，更有露營達人為你設計行程，細心為你服務。 鍾意睇更多露營資訊記得俾個like我哋IG或者Facebook！
Glampark「月下美人」座落於長野縣嘅 Gekkabijin「月下美人」溫泉旅館旁邊，遠離繁囂嘅城市，設有兩個特大透明天窗嘅圓頂露營帳幕，省卻搭建營帳嘅時間，星空夜景一秒間就映入眼簾，盡收眼底，營地員工更具有觀星導賞員資格，專業咁帶你遨遊天際間。
雙層結構嘅圓頂露營帳幕，內有冷暖風系統，無論冬天或者夏天都可以盡情享受。更吸引嘅地方係帳幕內有自己嘅私家浴室洗手間，唔洗怕要冒着寒風去帳外沖涼，又唔怕同人爭用，私隱度十足。
除咗欣賞美景，當然唔少得食好嘢喇！Glampark「月下美人」 有提供餐飲服務，可以選擇預訂佢地嘅套餐，享用被稱為「千代幻豬」嘅信州長野特產豬肉火鍋，產量稀少、肉質鮮嫩，絕對glamping奢華天花板。如果打算自備晚餐，帳幕內都有雪櫃、無火電磁爐、碗碟等等，隨時煮幾味都可以。
飲飽食醉，更唔少得享用埋溫泉旅館內嘅天然露天溫泉，盡情放鬆心情，一泊兩食之餘又能夠同時體驗glamping嘅樂趣，小編都忍唔住要即刻訂機票，引誘一下身邊唔愛露營嘅朋友仔。
至於營地交通方面，可以乘搭中央高速巴士，由「伊賀良」站出發大概20分鐘，如果自駕遊就更為方便，場地提供50個免費車位，假設名古屋市出發，大概駕駛個半小時即可到達。想輕鬆優雅咁享受glamping？就要繼續注意我地喇！
** 以上圖片及資料來源: Glampark「月下美人」
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments