位於日本宮崎青島海岸線嘅Not A Hotel - Anywhere ，打造咗一系列非常有設計感嘅露營車體驗，露營車係海灘旁，設施媲美酒店，有泳池、燒烤區等完善娛樂設施配套，為住客帶嚟休閒精緻嘅獨特露營車體驗。
Not A Hotel「Anywhere」計畫嘅宗旨係想令旅客擺脫時間地點嘅束縛，今次邀請到日本建築師元木大輔 DAISUKE MOTOGI，佢擅長以建築思維去設計，有意識地展現媒材適度琢磨後呈現嘅樸實感覺，重新定義咗傳統露營車嘅概念，設計師元木大輔表示「希望更多人可以享受呢種生活方式，如果得少數人實踐，呢個概念就只會成為一種幻想」。
讓住客可享受更靈活多變嘅旅遊體驗，Not A Hotel品牌目標係創造一種前所未有嘅新旅行概念。
露營車內設計時尚奢華
傳統嘅露營車將所有功能集中係一個狹小空間內，使用者通常只能得到狹窄嘅空間，令人難以感到舒適。Not A Hotel嘅露營車選用咗始祖品牌Airstream，並由設計師元木大輔進行全面改造， 將露營車設計成為有多種功能，又可以隨時移動嘅空間。
Not A Hotel只有兩間睡房，私隱度極高，採用開放式設計，配有雙人床、梳化、洗手間。 主要以綠色做主調，簡約配色，營造出簡約未來感。浴室設計簡潔實用，提供淋浴、洗手盆、馬桶等設備。每一個位置都由設計師悉心設計並將傳統露營車顛覆到另一種境界，令客人入住時感到比酒店更舒適及時尚， 從而得到身心輕鬆，休閒度假嘅享受，充電後再回到城市拼搏。
Not A Hotel睡房外・ 屬於你嘅私人空間 Not A Hotel除咗2間睡房外，還有1間浴室、1間書房以及1間酒吧，一共五架露營車。
而晚餐會有日本Campsite必做嘅燒烤環節，大家可以享用到日本當地蔬菜同埋宮崎牛肉。食完晚飯後，大家可以圍住營火享用飲品。再Chill啲大家可以去酒吧小酌一杯，酒吧就係另一款更大嘅車型「Spartan」，提供小型吧台、卡拉OK同座位，客人可以係到享受返一杯，盡情放鬆一下。
Not A Hotel「Anywhere」計畫為旅客帶嚟獨特嘅體驗，令入住客隨時隨地享受到舒適、時尚感嘅環境。呢種創新嘅旅行方式將露營提升到全新嘅層次。而Not A Hotel計劃將會係未來擴大到其他地方，為更多旅客提供更特別嘅旅遊體驗。亦都希望呢種創新露營車設計可以令大家對旅行熱情更加昇華～
此文由專營日本旅遊嘅 RTG TRAVEL 分享，想訂購此露營車體驗記得搵佢哋。
AOSHIMA BEACH VILLAGE - Not A Hotel Anywhere
地址：〒 889-2162宮崎県宮崎市青島2丁目241-1
官方網站: https://app.notahotel.com/
(距離宮崎機場只需14分鐘車程)
預訂可搵專營日本旅遊嘅 RTG TRAVEL
Comments