開季差唔多2個月，天氣終於開始轉涼，秋風氣爽甘舒服，當然要同大家露營加行山啦。老老實實自問係行山BB班，如果大家係山野常客，記得留言推介露營遠足好地方比小編知。
講得係BB班，相信大眾朋友都會容易去到。首要條件，露營地點交通要便利，離市區唔遠，方便補給物資。其次行山路線要較為輕鬆，無論係露營遠足新手，定係經驗老到嘅老手都適合。
今日分享一個推介嘅入門級露營行山路線，就係大浪灣營地。不過帶返頂頭盔先，呢個純粹小編個人分享，有咩講錯歡迎大家分享及提點呀。
大浪灣營地
大浪灣營地位置於南大嶼山郊野公園內，營地分開兩部分，上半部份位置係山坡，下半部份位置比較接近海邊，大家如果鍾意自然景色，一定要黎感受一下。
不過營地佔地唔算大，屬於小型露營地。如果以4人營尺寸為單位，營地大約可以擺放營位20個。
整個露營區域設施都算齊備, 有野餐枱、櫈、燒烤爐、污水穴、晾衫架及旱廁, 係一個可以同時享受大自然及海景嘅營地, 環境恬靜, 放空一流!
如何到達?
要到達大浪灣營地, 交通都算方便. 大家可以由東涌市中心搭巴士, 11號 (往大澳) 及23號 (往昂坪). 如果從梅窩出發, 可以搭巴士 1號 (往大澳) 及 2號 (往昂坪), 再係沙咀站落車. 經宏貝道行入鳳凰徑第八段 (往狗嶺涌方向), 小編當日行得比教Hea, 所以需要大約30-40分鐘時間到達營地.
路徑長度：5.5 公里
全程時間：1.5 小時
特色景點?
大浪灣營地臨近大浪灣村, 大約於1959年建成. 當時政府為咗開闢石壁水塘, 將原有嘅石壁圍、墳背、崗背、沙咀、涌口及坑仔等6條村村民遷徒到荃灣、梅窩及大浪灣. 依家大浪灣村仍然有數十戶人家居住. 村民以馮、徐兩姓為主, 村內更建有「馮氏宗祠」.
附近石壁水塘三邊環山, 東面係狗牙嶺, 西面係羗山, 北面係木魚山及獅子頭山. 水塘用上七年時間建成. 主壩橫跨石壁谷, 全長有713米, 高54米. 附近三面山嶺嘅澗水都存放係水塘內, 存水量有成2,440萬立方米, 係60年代全港最大水塘.
小編想講?
小編離開時跟返原路折返，整體感覺前往營地交通方便，行山路線鳳凰徑倘算輕鬆，雖然唔需要步行好長時間，但都建議大家係出發前做好準備，盡量輕裝，例如預先帶備好食材，避免帶多咗拎得辛苦之餘又造成浪費。
另外, 記得要帶定防蚊驅蚊噴霧, 如果唔係就會好似小編甘成為細蚊仔大餐啦!
如果各位營友有其他露營・遠足路線推介, 歡迎大家留言分享, 開心些呀!
** 圖片及資料來源: 漁濃自然護理處 / Google
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments