2021年9月29日已讀 2 分鐘

HKCAMP香港人露營分享谷~首個活動小型谷聚《HKCAMPXPLUMCAMP CAMPFIRE PARTY2021中秋營火露營節》

好開心HKCAMP香港人露營分享谷，終於都有首個活動同大家谷友見見面，當中有不少家庭，同大家喺中秋渡過咗快樂嘅一晚，小編要分享返當日嘅活動花絮比大家睇睇先。

除咗多謝谷友嚟玩外，都要講講今次跟我哋合作嘅場地PLUMCAMP，PLUMCAMP係一個最新私人營地，位於沙田梅子林村內第一個梯田式嘅營地，由於係山谷上，所以好接近大自然。10月正式開業，今次好感謝場主比我哋係中秋期間攪個小型谷聚，BBQ加營火晚會，仲有免費露位比大家玩一晚

講明CAMPFIRE PARTY又點少得大大嘅營火，小編好耐都無睇過咁大嘅營火，絕對增加全場氣氛

當日早上曾經落大雨，好彩最後天公做美，俾我哋睇到一個好靚嘅月亮，下面係HKCAMP嘅營帳俾大家過嚟打卡，試試今次贊助商嘅產品。

當日6:30PM後大家開始係自已營前BBQ

8:00PM營火晚會開始啦，有遊戲活動同猜燈謎，獎品亦都非常豐富

特別鳴謝送出獎品: CORKCICLE.、curble、ECOVESSEL、ONPOP、YAMA GUES

遊戲活動結束後，大家各自同家人享受露營同賞月，營友們中秋節快樂！

香港人露營分享谷HKCAMP第一次活動的感受？由熱愛露營到開了FACEBOOK谷，後來慢慢在網上跟大家分享露營，到真正與大家見面？感覺真係好神奇。

谷主由第一次去營露便愛上，所以開咗香港人露營分享谷，意想不到係原來有咁多人鍾意露營。大家呢兩年係谷內一齊吹水、又分享靚相、又討論唔同嘅露營心得，真係好難得！因此我哋成立咗HKCAMP，佢嘅誕生似係一個媒體亦是一個渠道，讓更多人分享到更多香港及其他地方嘅露營資訊，成就一個屬於大家嘅本土露營文化，讓其他國家都能欣賞到香港CAMPING都可以好好玩。