1月10日已讀 2 分鐘

行山BB班・元朗河背水塘家樂徑 — 港版嵐山竹林2小時來回輕鬆走

已更新：1月14日

想輕輕鬆鬆行個山親親大自然，千奇唔好錯過以下為你介紹嘅元朗河背水塘家樂徑！BB級難度，簡單易行，全程平坦冇斜路， 1 小時輕輕鬆鬆就行完，來回只需 2 小時，非常適合行山新手／一家大細。河背水塘曾經入選漁農及自然護理署郊野公園 10 大自然風景之一，沿途仲有竹林打卡熱點，絕對吸睛！ 鍾意睇更多露營資訊記得俾個like我哋IG或者Facebook！

（圖片來源：Facebook 香港行山風景攝影會 Libby Chan）

簡介河背水塘位於元朗八鄉、海拔 250 米高，被群山環抱，錦田河上游。水塘屬灌溉水塘，容量50萬立方米，全港唯一的S型水壩為水塘一大特色，長157米，高17.4米。交通元朗西鐵站 A 出口，步行約 8 分鐘到元朗泰衡街總站，乘搭 71號小巴，河背總站落車。雖然錦上路站 C 出口都可以搭到 71號小巴，不過因為錦上路站比較後，好大機會上不到車／小巴滿座直接飛站，建議大家花多少少時間去泰衡街總站上車出發啦！

路程由河背村起步步行約 20 分鐘就會見到河背水塘家樂徑入口，之後就正式環塘路程啦！全程平路為主，亦有樹陰遮擋太陽，輕鬆易行。一邊圍繞住水塘走，一邊影吓靚相，唔同角度拍攝水塘都會呈現唔同景色，非常愜意！中段經過竹林一定要停低打卡留念，好似去左日本京都嵐山竹林咁，勁有日本 feel！打卡熱點一定多人㗎啦，想獨霸竹林就要早啲起身出發啦！