10月中HKCAMP同幾位會員一齊去咗小島探密，走咗一轉香港地質漫遊，去咗鴨洲、吉澳同沙頭角，今次行程特點就係包咗小艇，坐得舒服之餘時間避開大船人流，非常舒服。11月-12月已接受報名搵啦！今次經我哋連結報名即有特別優惠，可按此報名了解詳情。 鍾意睇更多露營或潮流玩樂資訊，記得俾個like我哋IG或者Facebook先！
熱門景點・鴨眼海蝕拱
鴨洲與鄰島吉澳，係屬於香港東北面印洲塘特別地區內，係香港聯合國教科文組織世界地質公園裡的熱門景點，係鴨洲可搵到香港罕見港紅色角礫岩，仲可以近距離欣賞多種典型的海蝕拱如海蝕崖、海蝕平台、海蝕柱等⋯⋯ 影相影到手軟，小編真係開眼界。
小行山路線・感受吉澳客家漁民文化
嚟到吉澳島，相對鴨洲吉澳比較大亦較多景點，由吉澳大街開始嘅吉澳文化徑可以輕度行山同時亦可以了解小島背後嘅文化，吉澳文化徑全長3.5 公里，今次經導遊介紹只行咗一小部份景點，自由活動時間，可自行決定行吓山去唔同景點，回程上船前記得要係吉澳大街，買啲小手信同埋茶果返屋企，味道唔錯推介！
最後一站・神秘的沙頭角
嚟到最後一站沙頭角，雖然就唔係大自然景色。但由於過往唔係對外開放，令大家一直對沙頭角好奇想睇睇佢嘅面貌？入到沙頭角先知沙頭角社區設備齊全，同小編想像中完全唔同，相比戶外景色，沙頭角都係值得到此一遊嘅景點。
*再次多謝今次陪我哋一齊玩到嘅會員同機構， 期待以後活動再同你地見面。
總結一吓・8小時嘅旅程
去咗三個香港特色嘅地方，當中包括兩個地質小島， 收穫唔錯仲影咗好多相。喜歡戶外同埋了解香港另一面嘅朋友，我相信會非常喜歡， 午餐包試到吉澳客家漁民特色菜，係一個唔錯嘅週末行程， 有興趣嘅11月到12月都哋報，經以下報名更有優惠。
睇完想報名快啲按此: https://forms.gle/CpCG3ioYKyGKoB146
Photo: Add@HKCAMP Text: SKY@HKCAMP *所有圖片未經許可不得轉載
Comments