年頭年尾，相信唔少人都會衝出香港去外地旅遊，除左行街買野跑景點，近年都有唔少人愛上深度遊，睇湖光山色之餘順便行吓山、野吓餐，營友更加係露出香港，走到世界各地體驗當地露營樂趣。當中最受歡迎一定非日本莫屬!
講到去外地露營，又係一眾營人廚神嘅Show Time! 小編今次為你介紹香港以外嘅露營、野炊地點，如果你正計劃行程又想去尋幽探秘，不妨一試試以下介紹嘅好地方 — 大阪府民之森 “Forest of Osaka”。
有咩特色？
為紀念大阪府100週年，大阪政府興建 "大阪府民之森 Forest of Osaka"，公園由 9 個園區組成，建於大阪府東部，鄰近金剛生駒紀泉國定公園，總面積達 617 公頃。
除四季景色優美之外，露營地、攀巖牆、吊橋、遠足路線等等設施齊全，絕對滿足熱愛親親大自然嘅你。吃，玩，放鬆，冒險，一應俱全。
公園免費入場，行山徑起伏平穩，非常適合大人細路一齊遊樂。營地提供野炊地點，更提供大大小小嘅燒烤用品租借，炭、砧板、菜刀、餐具等，認真方便。
前往路線？
如果想先行山，可以考慮係京阪交野線 “私市站” 落車，經月輪瀑布到水蓮池步行大約 50 分鐘。或者可於近鐵奈良線 “富雄站” 落車，再轉換乘奈良交通巴士，步行約 30 分鐘。
如果選擇由大阪市自駕前往，時間大概 30 分鐘車程，仲可以免費使用園地提供嘅停車場，私家車車位50個，如果係賞楓賞櫻旺季，大家記緊預早出發啦!
開放時間
營地全年無休早上9:00至下午5:00開放
營地野炊設施使用時間為早上9:30至下午3:30
出發前記得留意營地網上公佈嘅休園日，咁就唔怕去到摸門釘喇！
如有需要可提前電郵查詢：https://o-wonderforest.com/contact/ ** 圖片及資料來源: FOREST OF OSAKA
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此 開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有! 用我哋呢條link購買Insta360更有7折優惠, 仲唔快啲以優惠價入手。
Comments