近期見唔少人拎露營車仔去買下餸，拎下淘寶咁，呢樣露營用品可以稱得上近年最實用露營好物之一，方便程度唔需要懷疑。但要吸引小編嘅注意，又點只運貨咁簡單。 今次小編為大家介紹MALO’O設計嘅THE LOUNGE WAGON露營車摺疊櫈，唔單止讓你輕鬆運送露營物資，更可以隨時變身成為一張兩座位嘅好摺櫈，無論露營、野餐、去沙灘玩，甚至買餸買到攰，都可以隨時坐低嘆下。
「好摺凳」嘅奧妙之處，唔洗多解釋，當然就係可以藏在民居之中、輕便（43磅）而且隨手可得喇！摺疊方法簡單，一分鐘就可以由車變櫈，車身用上600D防水牛津布，堅韌而且最大承重量達500磅，坐兩個大人都無問題！
除咗好坐，裝載能力同樣出色，拉起坐墊高22寸，即使要放較長、較高嘅物件如高爾夫球袋等，都唔洗怕拉拉下車會跌到一地都係，配合全地形車轆，落沙地拉都無問題，陪伴你上天下海。
MALO’O嘅設計師更行前多一步，設計一系列周邊配件，如太陽傘、毛氈、車邊縣掛枱、防水袋、冰袋等等，應有盡有，包你chill嘆咁用，實吸引唔少旁人羨慕嘅目光。仲未入手露營車嘅你，THE LOUNGE WAGON絕對係首選之一。
** 以上圖片及資料來源: THE LOUNGE WAGON
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments