日本知名家品店NITORI， 傳九月香港正式開幕，但關露營咩事？原來佢有多款露營家品，其實日本早已將露營融入生活，令到你嘅家更有品味。而NITORICP值好高，以從香港買傢俬又多一個好選擇。
利申小編去日本嘅時候經常都會行NITORI，佢嘅家品同傢俬都係細細件， 非常吸引蝸居嘅小編，可惜要帶返香港一啲都唔容易， 今次收到風香港開店，實在天大喜訊。 有見及此小編精選咗NITORI露營家品比大家睇睇。
傢俬設計走向露營風格
設計上好有露營feel， 絕對適合放喺室內心照露台等戶外環境。 但如果去露營就未必適合啦始終佢嘅重量唔輕， 應該叫佢哋係露營風格嘅家私會比較適合。
如果大家正在裝修或者換傢俬，又想以露營為主題就要去睇睇啦。但價錢絕對吸引下面嘅木凳只需日圓4990円 (以現時匯率，港幣300都唔使)， 當然嚟到香港售價又會有分別。
下圖咁舒服嘅櫈，大家估吓幾多錢？ 都係講緊只需日圓7999円 (港幣$445左右)
露營及戶外風格周邊
除咗一啲露營風格嘅傢俬，亦都有周邊例如木製碗碟！ 仲有露台假草皮， 雖然呢類產品其他地方都有得買，不過如果想襯返日系風格佢係一個性價比極高嘅店， 希望快啲到九月可以去Shopping。
認識NITORI
好多人對NITORI唔係咁認識， 其實睇返日文ニトリ名同LOGO，相信去旅行嘅時候大家一定有去過。 期待NITORI 來香港帶俾我哋唔同嘅傢俬選擇。
所有圖片來源: https://www.nitori.co.jp/
想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!
日本露營場 (入有影片, 記得睇埋啦!)
日本露營場地預訂
Comments