上次同大家分享去日本露營嘅類別，當中最方便，詢問度最高嘅一定係豪華露營。小編今次就同大家分享一個位於沖繩阿庫納海灘嘅「GLAMPARK RESORTS アクナ浜 (Glampark Resorts Akuna Beach)」豪華露營場地。呢個場地仲可以係私人沙灘上一邊享受日出日落，一邊享受豪華露營。 日本出名自然景色靚， 一場黎到除咗露營之外， 當然要去埋周邊值得一去嘅景點！
想預訂日本呢個咁正嘅Glamping按此查詢預訂，HKCAMP專享*九折優惠，更有露營達人為你設計行程，細心為你服務。
*旅遊服務由本地持牌旅行社RTG Travel提供。
「GLAMPARK RESORTS アクナ浜 (Glampark Resorts Akuna Beach)」豪華露營場地從那霸機場駕車約 90 分鐘車程。從沖繩南 IC 駕車約 50 分鐘車程。位於場地內圓頂帳篷附近嘅海灘，就係「阿庫納海灘」。呢個海灘係營地帳篷前延伸嘅私人沙灘，住客入住後可以隨便享受私人沙灘空間。阿庫納海灘係沖繩縣最靚嘅日出景點之一，擁有一望無際清澈海水，都經常被電視劇拍攝取景。係呢度可以影相打卡、聽下海浪聲放鬆身心，盡情享受阿庫納海灘嘅美好。如果好彩嘅話，大家仲有機會係五月至八月，築巢季節睇到海龜呀！
享用私人沙灘 · 豪華露營度假酒店
沖繩縣首個連體圓頂帳篷「Twins Dome」就位於GLAMPARK營地，提供奢華露營體驗。豪華露營圓頂由兩個連接一齊嘅圓頂帳篷組成，起居空間及燒烤空間係分開嘅，兩個圓頂之間有門隔開，所以唔洗擔心燒烤煙霧會吹入休息空間。
居住空間非常寬敞，營地內有7組DOME, 5棟直徑係6米, 2棟直徑係8米，無論係小家庭，抑或係家族團體活動能都照顧到。兩個圓頂都配備冷暖氣，無論咩季節天氣，大家都可以享受舒適嘅豪華露營體驗。
當大家抵達營地，營地酒店還會為大家提供熱情迎賓飲品，非常貼心。
帳篷內冰箱除咗為大家準備當地特產100％石灰岩洞穴提取，富含礦物質及鈣嘅水外，更供應當地精釀啤酒「SANGO BEER」，以及使用沖繩縣當地酒泡製成起嘅飲料「Zanpa Yuzu Sparkling」。
此外，前台更會提供免費飲料，小朋友或者唔好酒精飲品嘅客人需求都照顧周到。迎賓飲品內容可能會因應日期及房間類別而有所不同呀！
周邊景點
沖繩美麗海水族館（自駕由營地出發約1小時45分鐘）
圖片內容：peipei.tw
「美麗海水族館」位於日本國內最南端，係亞洲最大、世界前三大嘅水族館！呢度擁有7,500立方公尺嘅「黑潮之海」水槽，展示咗眾多鯨鯊、鬼蝠魟，水中生物種類相當豐富及稀有。水族館更有深受大人同小朋友喜愛嘅海豚秀，加上園區寬廣，非常舒適。因此，佢成為沖繩親子遊必到景點，絕對係受歡迎嘅人氣景點！
沖繩世界（自駕由營地出發約70分鐘）
圖片內容：www.gltjp.com
沖繩世界係凝聚沖繩魅力嘅主題公園，深受國內外遊客喜愛。沖繩最大嘅鐘乳洞「玉泉洞」用約30萬年形成，洞中超過百萬支鐘乳石，展現著大自然嘅神秘及雄偉。
大家仲可以去種植南國水果，沖繩香檬，荔枝嘅「熱帶水果園」景點參觀。
沖繩擁有100年以上歷史嘅民房古蹟，打造出琉球王國城下町區域，好似穿越時光回到古代琉球王國一樣。仲有各種表演及體驗工作坊活動，如果大家想參加體驗，建議預留半日以上時間遊覽整個園區。
美國村 (自駕由營地出發約50分鐘）
圖片來源：bobby.tw
「美國村」位於沖繩中部地區北谷町嘅美濱，係沖繩最大嘅娛樂型購物區之一。沖繩係第二次世界大戰後曾經被美國統治，歸還日本後仍然保留美軍基地，附近有好多美軍設施及美國居民。呢個地方充滿活力同歡樂氛圍，洋溢著濃厚嘅美國風情。許多人對美國村嘅印象可能只停留係已拆除嘅摩天輪上，不過，除咗摩天輪之外，美國村聚集多個購物中心及餐廳，大家黎到可以係具有獨特風格嘅建築中用餐、漫步逛街及打卡留念。
去「Glampark Resorts Akuna Beach」度假，除咗可以享受到豪華露營舒適住宿環境，以及廣闊私人海灘體驗外，仲可以品嚐當地美食，及參觀沖繩必到景點打卡位。無論係夏天抑或係冬天，都可以帶比大家一個難忘嘅豪華露營經歷，感受露營及沖繩嘅熱情！
GLAMPARK RESORTS アクナ浜 (glampark resorts Akuna beach)
地址：沖縄県うるま市与那城字宮城瀬味2162
官方網站： https://glampark.co.jp/
官方Instagram：https://www.instagram.com/glampark_tc/
想預訂日本咁正嘅Glamping按此查詢預訂，HKCAMP專享*九折優惠，更有露營達人為你設計行程，細心為你服務。
*旅遊服務由本地持牌旅行社RTG Travel提供。
日本露營及Glamping相關資訊：
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
露營想拍下開心回憶, 一部全方位又輕巧嘅相機一定要有!
Comments