鍾意露營, 因為露營嘅時候大家唔需要拘泥標準, 隨心隨意選擇自已最喜歡嘅方式放鬆身心. 最近日本大熱嘅流行露營風格“ozashiki風格”, 唔知又係唔係大家杯茶呢?
露出家的感覺
露營必需要露營枱及露營椅? 係流行嘅“ozashiki風格”中, 露營已經唔再局限於露營枱及露營椅. 大家可以好似日式榻榻米房間一樣, 隨意坐係地板, 隨性得黎又格外舒服. 以後露營, 唔一定需露營枱及露營椅啦!
係帳篷內鋪上地毯, 就如同屋企客廳一樣, 除低鞋就可以隨意伸展雙腿直接躺平, Chill嘆指數完全係天花板級別.
減少攜帶用品及預算
榻榻米式露營好處除咗可以隨時隨地躺平之外, 大家攜帶嘅gear都可以減省! 只需帶最少嘅物品就可以完成setup帳篷空間.
因為可以直接坐地板, 所以大型露營枱及露營椅都可以鏗返, 大家可以帶少啲輕鬆啲! 露營新手想用低budget露營, 都可以從“ozashiki”榻榻米風格開始!
調合大小家庭
“ozashiki”榻榻米風格非常適合有小朋友嘅家庭. 雖然市面上有唔同專為小朋友而設嘅露營枱椅, 但通常都比較難坐, 而榻榻米風格採用低矮家具, 家長們就唔需要擔心小朋友會跌到, 而且仲可以提供更大玩樂空間, 即使較細嘅小朋友爬行, 家長都唔需要擔心, 可以盡情享受露營親子時光.
特別注意地方
想更舒服地享受榻榻米式露營, 只需要做好硬地及寒冷天氣準備.
冬季露營最重要防止寒氣從地下傳上黎, 要防止底部變冷及整濕, 可以先鋪設防水地墊, 而銀墊具有高隔熱性能, 可以有效阻隔寒冷.
鋪上厚而柔軟, 觸感舒適嘅地毯, 除咗可以幫助地板隔熱外, 仲可以令帳篷空間更加溫暖及溫馨. 如果遇到寒冷天氣, 仲可以係地毯下安裝發熱地毯, 即使係冬天露營, 都可以暖笠笠. 而且厚實嘅地毯可以減輕身體嘅負擔, 小朋友摔倒都唔易受傷.
如果天氣回暖, 可以用光滑天然材料製成嘅地毯, 唔單止有日式氛圍, 而且仲透氣清涼.
加添小心思令帳篷空間更放鬆
靠背椅
想坐得更加舒服, 可以加入坐墊或靠背椅. 下背部及臀部可減少壓力感, 大大提高舒適度. 而且靠背椅仲可以幫助保持更放鬆嘅姿勢, 比大家keep住chill!
Crazy Creek嘅The Chair 2.0, 輕便易拎, 折疊後厚度只有約 4 厘米, 背面加上一個環, 可以用黎做手柄, 攜帶時更加方便.
靠背椅採用柔軟填充物, 大家坐耐咗都唔會疲勞. 要調整角度只需要扣好帶子調節即可, 而且面料耐磨性高, 所以非常耐用.
Crazy Creek The Chair 2.0官方網站
圓形茶几
要夠chill當然唔少得一張穩固又易安裝嘅小圓枱. Snow Peak One Action Chabudaitake M
尺寸約為 65 x 21 cm, 由竹子材料製成, 安裝容易. 如想伸展腿部, 可快速收起, 要喝茶又可以快速裝上.
Snow Peak One Action Chabudaitake M 頂板可折疊, 收納空間小. 另設有較細尺寸嘅One Action Chabu Daichiku S, 尺寸約為 50 x 18 cm, 岩哂Solo Camper或者2人露營.
Snow Peak One Action Chabudaitake官方網站
中秋過後, 天氣漸涼, 又係開季好時候. 唔知大家又鍾唔鍾意“ozashiki”榻榻米風格露營呢? 留言話比小編知, 大家鍾意邊一種露營Style啦!
** 以上圖片及資料來源: Crazy Cheek / Snow Peak
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
Comments