近排身邊唔少露營車友都打算安裝個車頂營帳，貪佢夠方便又易用，星期六日隨時嚟個即興車中泊，睇星燒嘢食，但原來入手前要考慮嘅嘢都唔少，尤其係尺寸、功能、收納同安裝方法等四大考慮因素。 鍾意睇更多露營資訊記得俾個like我哋IG或者Facebook！
車頂營帳通常搭配車頂架使用，要選擇適合自己部車嘅車頂營帳，尺寸大小係首要考慮，如果選擇錯誤，除咗會增加行車時嘅風阻、油耗，嚴重嘅話可能會令車頂超出負荷，影響車嘅重心，隨時好大件事，所以要留意車頂同車頂架分別嘅最大負載。
其次要考慮就喺營帳功能，考慮露營目的地同按實際需要選擇，例如去河邊扎營，可以考慮營帳本身能唔能夠防風、防水、能夠保持透氣度同時防蚊嘅網窗，假如去山上觀星，就要選擇配備天窗又保暖嘅款式，方便長期作戰睇實流星雨出現一刻。
車頂營主要有硬殼同軟殼兩款，收納方式各有不同。硬殼款通常由玻璃纖維、塑膠或鋁製成，帳篷大部分空間隨硬殼蓋打開，可以好方便咁打開營帳，但收納就要好小心折疊，確保硬殼蓋能妥善扣上，比較費時。軟殼款就相對靈活，大多採用帆布，缺點就係喺使用壽命較短。
車頂營帳嘅安裝方法視乎品牌設計、功能而定，如果係露營新手唔習慣安裝立營柱，市面上都有唔少好似Darche Ridgeback HighRize 1250 嘅硬殼車頂營，一開就用、唔洗花太多時間安裝，非常方便。
** 以上圖片及資料來源: SNOWYS
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments