話說小編早兩星期去咗轉東京，當然唔少得行露營用品店睇新野，今編係講講小編同大家分享最新嘅snow peak最新單品，希望唔會令大家破產。
首先第一個大發現snow peak 450彩色雙層鈦杯，網店已經賣晒，呢個真係好靚見到記得要買，都比較罕有，GEAR SHOP網店都有少量可以訂。
日本熱話潮物Giga Power Battery
話題作之日終於見到現貨！snow peak Giga Power Battery，與Anker Japan共同開發，設計仿照Giga Power Gas高山氣罐嘅 流動電源，電池容量有15000mAh及30000mAh兩種選擇，採用磷酸鐵鋰電池，使用壽命比一般手機電池長約4倍，可同時為三台設備充電。
配上全黑色設計感覺更時尚， 無論露營同埋放喺屋企都係一個好嘅擺設， 現貨版本有兩個燈頭可以選擇包括Giga Power Lantern TL直條燈， 有別於一般露營燈，個人感覺佢以氣氛為主， 可以漸變出幾款顏色打卡非常有型， 唔去露營放喺書枱都係一件唔錯嘅潮物。
而Giga Power Lantern HL 外貌跟過往露營吊燈相似，亮度都亦都非常足夠達1,000lm， 絕對係露營最好嘅拍檔，夜晚非常夠用。
snow peak 嘅話題之作真係非常靚，但價錢就一啲都唔平，唔知大家又覺得值唔值得啦？
屬於露營嘅氣味？
雪峰祭 2024秋限定，Aroma Spray for TAKIBI Deep Wood 芳香噴霧，到底露營嘅氣味係咩， 對於每個人應該都有唔同嘅感覺， 但snow peak嚴選兩款舒適嘅氣味包括Warm Orange及Deep Wood， 小編親身體驗過兩種氣味都非常舒適，個人就會比較喜歡Deep Wood， 森林嘅林嘅感覺好好聞，無論分享露營用品或者衣服上邊都非常適合， 隨時聞到大自然嘅感覺我嘅感覺，GEAR SHOP都有少量可以訂貨。 以上就係小編今次日本之旅嘅毒物推介！睇完又係時候課金啦， 開季帶晒佢哋去露營啦～
Comments