城市嘅擠迫感，有時令人難以唞氣，唔少人都鍾意靜靜地，一個人去露營放空，俾自己社恐嘅一面休息下。但再大膽嘅人，即使唔怕黑唔怕悶，都應該會怕露營期間遇上不愉快嘅事，包括被不速之客騷擾、偷竊等。
留意以下安全要點，防止自己陷入不必要嘅麻煩：
1）出發前，預先將行程講俾信得過嘅人知，或者善用定位應用程式，去到邊都有人搵得返你。
2）帶備哨子、對講機，以防萬一。萬一迷路、手機無電，或者遇上意外，都可以即時對外發出求救訊號。
3） 避免露營物資被盜，首先唔好太貴重嘢， 極都可以安裝掛鎖，就算睡覺或暫時離開帳篷，都唔怕輕易俾人偷嘢。
4）慎防入黑瞓覺嘅時候，俾陌生人打開營帳騷擾，後內部鎖上帳篷入口嘅拉鍊，萬一有人試圖闖入都可以即時反應，係睡夢中醒過來。
5）營帳外可以設置感應式開關燈具，提示自己之餘，又可以提防途人跌倒。
6) 唔想俾人知營帳無人，可以係離開帳篷時，係帳內開收音機或者播音樂，令人錯覺有人喺帳內。但前提係音量唔會太高而打擾到人。
7）Solo都要避免係太安靜嘅地方搭帳篷，萬一有意外，都容易向其他身處營地嘅人求救。
8）最後，想避免受到其他營友騷擾或者起衝突，就應該先避免騷擾他人，遵守營地規則。
所以，一個人露營想玩得放心，去到人跡罕至嘅野外地方，就要時刻保持警覺，遵守露營場地嘅規則。
** 以上圖片及資料來源: Arinomi
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments