自從日本開關後, 谷內不停有谷友開心些呀到日本旅遊露營嘅靚相及資訊. 日本露營文化成熟, 不時都會有大型露營展推出, 大家去日本如果預岩時間, 都可以去八八, 緣份到, 就自然會遇到正嘢!
繼早前報導過Japan Camping Car Show 2023之後, 今日要同大家分享係1月中舉辦嘅Tokyo Outdoor Show 2023.
Tokyo Outdoor Show 2023重中之重, 一定要數令人心跳加速嘅帳幕展示區. 因為snow peak 2023春季最新營帳都會係度展示, 更有snow peak時隔5年首次公開嘅新入門款“LANDNEST” 價錢大家可喺官網睇返同 訂購: https://www.snowpeak.co.jp/products/new2023/
帳篷“Landnest M” 備受注目
自從2018年snow peak發佈“Entry Pack TT”後，相隔5年fans終於等到! 新入門款“LANDNEST M”有別於以往, 今次snow peak首次採用自然融合嘅灰色底色“Field Ash”， 令營帳更加觸目.
snow peak創作“LANDNEST M”時, 希望可以滿足露營新手同時會吸引其他有露營經驗嘅營友去買屬於佢哋嘅第一個snow peak營帳.
對於露營新手黎講, 一個令人安心使用又容易操作嘅帳篷係要素. 因為好多新手露營初期, 係扎營嘅時候都會遇到唔少困難同埋錯誤. 當大家有咗露營經驗之後, 就會慢慢對營帳有更多要求. 考慮到配合新手同有經驗營友嘅需要, snow peak團隊係設計“LANDNEST M”時, 係可用性、成本、強度及其他細節方面都落足心思, 所以“LANDNEST M”可以講係萬眾期待, 備受注目.
價錢定位親民・容易使用
新手買營帳好多時除咗考慮營帳本身功能及操作外, 價錢都係一個重要因素. snow peak明白如果營帳定位太貴, 只會嚇怕新手. 所以“LANDNEST M”係其他snow peak營帳中, 價錢定位較親民.
另外, 使用感都非常重要. 呢款帳篷採用Y型框架外框結構，加上前後對稱, 新手扎營嘅時候唔怕掉亂前後. 為左令新手可以更容易搭建, 營帳加配咗零件, 新手可以係起好營帳外框, 再用營釘固定, 唔需要再為每個框架落釘, 方便易用.
優化初階功能・產品性價比高
“LANDNEST M”優化本身功能, 係營帳兩側安裝三角形網眼，即使天氣熱少少都唔怕會悶熱, 營帳內部有160cm高, 企係度換衫都非常舒服. 仲有提供“Land Nest Dome Inner Solo Tent”比大家選擇. 無論係同家人去, 抑或係solo camp都岩洗.
“LANDNEST M”由曲線組成，但尺寸、邊長、曲線形狀都令整體面積擴大, 大大提供內部使用空間.
“LANDNEST M” 帳篷篷布套裝係 2023年5月左右就開始陸續發售啦! 而“Landnest S”帳篷防水布套裝就緊貼於 7 月推出, 相信到時又有一輪瘋搶潮啦!
約定大家，我哋喺世界各地營地相遇啦！
**以上圖片及資料來源: snowpeak
**以後關於露營圖片及分享，記得打Hash Tag（#HKHKCAMP）
相關資訊：
日本露營場
香港露營場
Comments