UNIO x 杏花新城 Camping Village係過咗嘅12月4-5號完滿結束啦，小編好開心可以出席。
今次活動唔單止可以行街，仲有導賞團，由UNIO帶領大家，講解不同營帳及介紹多個本地原創品牌。而且仲有咖啡，現場Live band music，我哋一齊睇睇當日嘅活動情況啦。
今次活動以秋冬為背景，草皮顏色都襯到絕，活動仲有另一個目的，就係希望帶出一種露營禮儀，例如: 露營時唔好做出滋擾行為騷擾到其他營友，要珍惜水源、營具、唔好浪費等等......
小編同大家跟住導賞員進入Camping Village 3個主題區，Village Gate、Gear Square 及Town Centre。導賞員講解每個營帳嘅特式及用途，大家都非常專心呀，仲一齊入營，親身感受每個帳篷嘅獨特設計及質感。
最新分享露營用具維修
原來營具都可以有第二人生，導賞員講解原來一啲壞咗嘅營具都可以維修，KampgyMechanic
是一間維修保養各類型Outdoor Gear，當日付責人更詳情講介一下最常維修的Gear，建以大家有時間上佢哋FB睇睇，有維修小知識。
本地品牌露營小市集
當日仲認識到好多唔同類型嘅香港本地原創品牌， 大家對露營都非常有熱誠,，好似全人手一針一線縫製出黎嘅營具皮套真係落足心思。 (IG: 笨野木革)
有時用耐咗營具，只要花少少心思就可以變得個人化又型格，將原本平平無奇嘅營具變得更加有個性。
(IG: 草草了事)
仲有山系時裝品牌，讓大家穿出個人風格，又富功能性。品牌仲推出左新一季秋冬時裝，新設計加入左唔少新元素，唔止露營可以穿著，平時配襯上班服都超正。
(IG: Yama Guest)
仲有不少活動，有歌聽有劍球表演
露營悶悶地，可以試玩下日本非常流行嘅露營玩物，劍球！Wooda為大家示範，大家都好有興趣試玩呀。
豐富活動又點少得音樂. 今次請黎本地樂隊 WHIZZ 及 Daniel Toh and friends 為大家現場表現Live music.
鍾意飲咖啡嘅朋友，當然要試試由社企Coffee Bunnies調製嘅咖啡啦，Coffee Bunnies係由一班對咖啡充滿熱誠嘅年青人營運，大家一定要支持下呀
(IG: Coffee Bunnies)
唔知谷友又有無去睇睇呢？大家可以留言傾下偈呀！
約定大家, 我地營地相遇
*相片及資料來源: HKCAMP
**以後關於露營圖片及分享，記得打Hash Tag（#HKHKCAMP）
Comments