啱啱過去星期五六日HKCAMP去咗UNIO22 Camping Fest！今年佢哋係四季休閒農荘舉行，真係好熱鬧呀，大家一齊睇吓有咩睇啦！
Dare to Dream, Dare to Go～
市集｜ 音樂 ｜美食
今年UNIO22 Camping Fest當中嘅市集，有唔同嘅露營產品發售，除咗過夜人士外更首次有單日票發售，大家都可以到場感受一下氣氛， 趁下熱鬧。
雖然活動已經完結咗，但係睇完相都可以搵返店舖換換新裝備。
小編今次好開心有最愛嘅熱狗， 喺會場即叫即整新鮮滾熱辣！正。
當中最受歡迎就係即場印製活動紀念T恤， 大家亦可自行帶T恤或者其他嘢進行即場印製， 一個好好嘅紀錄品。
當日更可以睇到唔同音樂表演
身心靈環節 ｜ 人類圖
其中一個好吸引小編嘅就係身心靈活動，由Soulmap認識人類圖講座，更有塔羅牌同水晶頌缽， 喺大自然下身心的課題真係特別吸引，當日見到唔少露營人士查詢了解。 @Soulmap
睇睇參加者嘅靚營帳先
今次除咗可以自攜露營帳篷外，更有帆船營及蒙古包比大家Glamping， 不過小編最想睇嘅當然係大家嘅露營裝備啦， 我哋又見到唔少谷友啦！ 如果大家有睇上年報道，一定認得佢哋，今年又撞返呢兩位谷友，好開心又見面吹水，仲分享好多靚嘅露營裝備。
每一個帳篷各有特色，代表唔同嘅個人風格同露營美學。
最後，今年露營季節各類露營活動非常豐富， 希望大眾都能夠參加更多露營活動，感受香港露營嘅美好。
約定大家，我哋在世界各地嘅營地相遇啦！ 相片: Add
編: Sky
**以後關於露營圖片及分享，記得打Hash Tag（#HKHKCAMP）
Comments