踏入9月, 露營開季啦. 最近發覺好多谷友都開始活躍, 大家已經急不及待出黎露一露. 多謝谷友報料, 等小編同大家介紹一下位於元朗八鄉錦上路嘅小蜜蜂農莊.
農莊地方夠曬寬敞, 有成15萬平方公尺, 而且群山環繞，真真正正遠離煩囂, 回歸自然.
入到營區內, 谷友可以親身體驗農耕樂趣, 而且營內仲養左好多可愛得意小動物, 大家可以試下餵飼一下小動物, 無論女朋友定小朋友都超鍾意呀.
叫得小蜜蜂農莊, 蜜蜂當然係主角. 每日下午3點, 營區內都會舉辦蜜蜂小教室, 大家有機會可以嘗試下採摘新鮮蜂蜜, 呢個活動連小編都覺得好新奇呀. 岩曬鍾意另類體驗嘅營友呀.
營內仲有好多免費遊樂設施, 好似岩曬小朋友玩嘅巨型跳彈床、單車、多功能組合滑梯及沙池等.
講到出黎露一露, 最重要當然係個營啦. 無營嘅朋友都吾怕, 場內有營具租借, 而且都吾貴, 一個營帳加四個睡袋大約$300 ，仲有桌椅, 天幕出租, 絕對適合不同人仕需要。
玩到勊當然要坐低休息下, 食下野啦. 營區內都照顧周到. 提供早、午、晚三餐. 晚上可以訂購燒烤套餐, 無爐都可以租埋爐具, 真係名副其實, 兩手fing fing露兩手.
有興趣想試試嘅朋友, 可以直接去以下連結睇下呀~
大家準備好未? 我地營地相遇啦~
**以上圖片來源: 元朗八鄉小蜜蜂農莊
**以上資料來源: holimood.com.hk
**以後關於露營圖片及分享，記得打Hash Tag（#HKHKCAMP）
相關資訊:
Comments