有無唸過, 如果你望住藍天, 坐係露營椅上, 享受住陽光曬落身上嘅溫暖, 突然你咖啡癮發作, 但搵曬成套gear都搵吾到個磨豆器, 又無dripper, 想飲杯香滑濃嘅手沖咖啡仲有咩方法?!
有時「營」在野, 未必次次都會帶曬所以裝備, 想飲咖啡其實都吾係無方法. 只要有咖啡豆, 水, 水壺同火就可以煮咖啡啦.
先將咖啡豆放入密實袋封好, 如果無密實袋可以用毛巾包住.
再隨手拎起枝木棍或樹枝壓碎咖啡豆. 如果搵吾到木棍或樹枝, 都可以用其他露營工具代替, 好似電筒, 什至金屬食物盒都可以架.
隨個人喜好決定咖啡豆嘅大細. 小編個人覺得無咩所謂, 既然人在野, 就原始啲, 吾需要甘拘泥啦. 將碎左嘅咖啡豆倒入水壺煮.
基本上煲滾就可以, 但如果鍾意濃郁嘅「營」友, 可以隨個人喜好煮耐少少. 煮完嘅咖啡, 要先等幾分鐘, 等咖啡渣沉澱一下就可以倒出黎享用啦.
其實呢個係以前西部牛仔煮咖啡嘅方法, 如果「營」友去郊外想飲咖啡但又無工具, 都可以試試, 真係認真夠曬raw, 夠曬風味呀.
小編都係愛啡之人, 講講下, 咖啡癮又發作, 要去嘆返杯咖啡先~
約定你, 我地營地相遇~
**相片及資料來源: https://www.pica-resort.jp/saiko/blog/20210506coffee.html
**以後關於露營圖片及分享，記得打Hash Tag（#HKHKCAMP）
Comments