等了又等等了又等終於等到喇， 呢兩日大家都普天同慶，因為政府宣佈11月17號營地重開，谷友們準備好未呢？當中更有荃錦營地營位要玩預約？
係11月10號大家都收到好消息，漁護署宣布轄下郊野公園的41個露營地點會係11月17重開啦
按此睇哂41地點，大家可以開始計劃17號以後嘅露營計劃，HKCAMP期待大家update更多更正嘅香港露營相片。
《荃錦營地》須網上預訂，場地設有管理員
今次營地重開其中位值得留意，就係荃錦營地嘅預訂系統先導計劃，大家可以係網上預訂政府荃錦營地。
營地位置方便係荃錦公路旁巴士站落車，大約行五分鐘就到設備齊全。根據網站資料每個營位有一個木地台 (大部份木地台為3×3M)、一張有燒烤爐同可以使用煮食爐嘅枱連櫈， 場地設施充足洗手間、水源同中央垃圾收集， 全個露營場地共37個營位可預訂，適合新手同埋家庭， 屬於首次有管理嘅攻府露營場地，預約費用全免。 而預訂系統係屬於首次出現，想預訂朋友可以睇落去，HKCAMP亦會向荃錦營查詢，以便獲得更清楚嘅資料稍後再同大家更新。 荃錦營地預訂 https://www.camping.gov.hk/tc/index.php
荃錦營Google Map地圖
小編實試預訂系統《荃錦營地》
小編亦都試咗預訂營地， 過程非常簡單而且都幾似酒店預訂系統。
第一步就係揀想去露營日子，粉紅色數字代表已經full咗，星期六日最受歡迎已經full，只可以揀黑色數字，揀好咗日子之後就搜尋。
下一步就到揀營位，場地總共有37個營位，而綠色的營位代表可供預訂， 整個場地以3×3M木地台為主， 如果想要大木地台就只有6、7、8、9號營位，不過唔易訂。
營位揀好之後，最後就係填寫個人資料、電郵同電話， 值得留意預約系統係有時限嘅，需要限時內完成整個預訂。
最後成功預訂會收到電郵，預約當日出示身份證就可以進場露營啦。
整個過程非常簡單，而營同營之間亦有一定距離，比起以往政府營地營貼營情況， 呢個預約系統的確唔錯，但就冇得玩即興啦，希望可以延續到其他場地啦。
終於等到重開，要Enjoy啦！
等咗幾年我哋終於可以再次喺政府營地度露營啦， 當然除咗政府營地都仲有好多私人營地俾大家選擇，希望大家好好咁enjoy呢個露營季節， 記得自己垃圾自己帶走啦。HKCAMP小編們都準備出發去政府營地露營， 希望唔會撞到大家啦露營時記得#HKHKCAMP，一齊打造我哋香港嘅露營文化。
相片來源: 漁農自然護理署
**以後關於露營圖片及分享，記得打Hash Tag（#HKHKCAMP）
Komentar