SOTO申縮火機Slide Gas Torch一直都深得露營人士歡心。 無他嘅，因為佢真係好方便，而且火力夠。今年終於等到佢出新一代嘅Slide Gas Torch， 實在令人好期待！ 今次同大家分享吓日本相關文章，睇睇新舊款有咩分別同埋有啲咩UPDATE咗呢？
.
SOTO Slide Gas Torch由2011 面世之後，一直受到各地露營者喜愛，細細個可以發出高達1300度火，實在太方便。老實講小編嗰個都用咗好耐， 但都聽過有人話佢好易壞。 今年SOTO 正式公布新一代Slide Gas Torch發售，新型號（ST-487) 日本售價2,750 円， 大家可以準備入手啦！
到底新版本有咩唔同？
將新舊款放埋一齊，其實改變嘅位置都幾明顯。首先講講外觀，新型號用上全黑色，其次係火槍蓋都有明顯唔同， 使用上黎方便咗好多。
1. 新型號使用彈蓋， 方便之餘亦都冇咁易漏氣。
舊款其實使用起上嚟有啲麻煩，小編個人覺得條鏈有啲阻住，冇乜用。方便使用其實係必須。
2: 第二個明顯嘅分別就係新款比較容易撳，之前撳火位置從平面轉為斜面，fit哂手指位置，用落明顯舒服咗。
3: 講完外表， 講吓結構。新款火石比舊款更大，燃點時更快速同大火。
4: 新款加入活性炭，好處係氣體吾會咁容易變質，影響燃燒效果。
其實都冇咩需要考慮， 總括嚟講好處多好多！當然係買新款，露營時好好利用佢點火！
舊版本（ST-480C）價錢 2,420 日元，新版本（ST-487）價錢 2,750 日元， 雖然貴咗300円，但係冇理由唔買新款， 而且首批送黑色火機套，極有型！
約定大家，我哋在世界各地嘅營地相遇啦！
**相片及資料來源：camphack
**以後關於露營圖片及分享，記得打Hash Tag #HKHKCAMP
想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube
Comentarios