上回講到, 小編有幸可以去到人生係香港嘅第一個露營祭, 心情同參加者一樣興奮.
露營祭第一日安排參加者入營，而主要活動設於第二日， 所以小編係第二日先到。活動場地畫分為市集區、 靈修區、美食區、表現台及扎營區，畫分區別清晰。
訪問了幾組參加者分享，原來大家都係HKCAMP嘅谷友
扎營區為每個參加者分配好專屬位置, 而且每個分配位置都空間感十足。小編眼見當日都有不少參加者， 駕住愛車Car camping。 而且好多營友都Full Gear上陣, 花足心思佈置自己營區，場內感覺真係Chill級Relax舒服。
環繞全場, 大家嘅營帳都非常別出心裁。當中小編發現了參加營友梁生梁太嘅gear，非常有心思，有木元素之外， 仲有自己DIY嘅Gear，環保又型格。梁生表示, 初時知道有呢個露營祭，即時就唸起日本嘅露營祭，二話不說就同太太一齊參加。原來梁生本身都係露營愛好者，玩左露營一段時間。初次參加係香港嘅露營祭，感覺不錯，而且覺得大會畫位鮮明，而且營區唔會迫，安排滿意。但因為入營第一日落咗兩場大雨，所以初時扎營比較唔方便。但整體感覺都唔錯。梁生同我地分享佢嘅裝備，無論係配色，裝飾都睇得出花咗唔少心機。小編感受到佢地對露營嘅熱愛，真係好滾動呀！
另一個參加營友係一行四人帶埋毛小孩朱古力嘅Jeanie。佢地初時知道有Unio 21a Camping Fest都一樣聯想起日本嘅露營祭，同朋友商量之後就決定參加，原來佢地之前都有參加過露營，但當時係冬天，天氣極凍。而今次雖然係十月，但就極熱。兩次極凍同極熱嘅露營體驗都好特別。Jeanie同朋友對今次露營祭安排都滿意。特別係有冷熱水嘅浴室同洗手間，對女仔黎講都非常重要。同場加演， 仲有朱古力嘅表演，真係好可愛！
一直car camping都十分流行，但motorcycle camping就比較少有。今次營區內就有兩個參加營友帶埋佢地嘅電單車camping。其中一個營友Venus同佢男朋友就誠意十足。佢地表示電單車係新買，motorcycle camping都係第一次。係電單車上放裝備都係一個難題，佢地仍然嘗試緊一個更好嘅方法。佢地初時參加露營祭都係因為日本。原來大家營友都非常鍾情日本嘅露營文化，希望香港會有更多類似活動。小編都有同感，要發展出香港獨有露營文化，Venus同男友係早兩年開始玩露營，最吸晴係佢地個紫色營帳，配上紫色餐具。令綠油油嘅營地多咗份浪漫嘅紫色。
享分特別美食，讓露營不再一樣
講到美食當中最特別係into the wild有異國風情嘅手工酸種麵包配山茶。原來創辦人係一手一腳自家製，將健康嘅橄欖提煉成橄欖醬， 再配上自家製酸種麵包。 小編試過，黑芝麻酸種麵包配橄欖醬口感豐富，飲埋杯凍冰冰嘅希臘山茶，真係非常解渴，無得輸呀！女士們一定喜歡，建議大家去佢IG支持吓。
市集又點少得UNIO的多個香港原創品牌及單位
過左美食區就係市集位置，市集擺放多個本地產品攤位，當中不乏大家都認色的本地原創自家品牌及不同外地產品，HKCAMP當然要支持啦，少編又要破財啦。
露營祭感受靈修活動、包括頒砵、冥想、 瑜珈
由心靈種子導師帶領，係大自然底下， 放鬆心情， 放輕身體, 一齊靈修， 又係另一種與別不同嘅新體驗。當日導師仲好細心講解頒砵可以點樣洗滌心靈, 讓人進入放鬆嘅狀態，與大自然及自已對話，小編都學咗唔少野呀！
問到負責人對今次露營祭感受，佢回答: 第一次喺露營嘅地方提供靈修活動，感覺非常良好而且更接近大自然，完全有遠離煩囂嘅感覺，呢三日兩夜與不同入營朋友互交流，大家都好友善，感受到露營俾大家嘅簡單直接快樂，遠離都市人都會快樂一點。
音樂編排上別出心裁，營造外國風情
同大家傾傾下, 突然聽到Chill爆口琴同結他音樂.，原來大會當日下午四點開始, 安排左多隊樂隊表演。同大會音樂總監傾過, 原來音樂係編排上都別出心裁。 想營造出外國風情, 輕鬆舒服嘅感覺, 令大家好似去咗西班牙, 希臘等有異國風情嘅地方.。先有令大家放鬆嘅Chill級Relax口琴mix結他音樂， 之後係阿根廷樂手表現手風琴，大家都拎埋自己嘅營椅、吊床,，一邊Chill住聽音樂。 天色越夜,，音樂選曲更有節奏感,，大家Warm up完都可以一齊起身跳下舞、郁下。 真係好似去左外國一樣呀。
預編感覺完滿，非常期待下一次屬於我哋香港人嘅露營祭
露營祭、音樂、再加埋甘靚嘅黃昏日落，絕對係一個Chill級新體驗。謝謝UNIO，希望香港將來會有更多類似嘅露營祭，比一眾熱愛露營嘅營友參加，感受大自然， 同時放鬆心情。差足電，為生活再努力衝刺，放假再去露營輕鬆一下。
約定大家, 我地營地相遇~
**以上圖片及資料來源: HKCAMP
**以後關於露營圖片及分享，記得打Hash Tag（#HKHKCAMP） #HKHKCAMP #香港人露營分享谷 #香港人露營分享谷專頁 #Carcamping #Motocyclecamping #UNIO #UNIO21aCampingFest #露營祭 #日本露營祭
Comments