有無諗過露營用嘅餐枱、椅都可以放係屋企用？ 又或者屋企用緊嘅枱燈、咕臣都一樣可以拎去露營打造一個六星級的家? 如果露營傢俱同屋企傢俱可以二合為一，仲唔洗買，可以用一個平嘅價錢租用，用過好再買， 係咪又環保、又經濟實惠呢!
日本一向有嶄新理念，鼓勵大家減少浪費，用相宜嘅價錢租用傢俱。咁樣唔單止可以用啱先買，仲可以滿足大家嘅新鮮感，可以試到多款心頭好，仲可以鏗返筆，先租後買嘅概念，日本CLAS係今年4月28日連同大家都熟識嘅LOGOS正式展開啦!
CLAS以「換衣為生」為概念，大家可以根據自己嘅生活Style租用傢俱同電器，從4月28日起，開始提供29 種 LOGOS 產品比大家租用。
近年露營深受大家熱捧，相對露營風嘅傢品都非常盛行。 LOGOS 嘅餐枱、椅子、燈籠等產品，無論係配色上，設計上都非常有戶外感覺。 鍾意戶外及露營風嘅朋友不妨考慮吓將佢哋引入屋企。
CLAS可以比大家想租嘅時候租，想還嘅時候還，完全無時間限制。 大家試啱再決定繼續租或者買，真正做到減少浪費嘅成效。 啱哂一有新嘢推出就想試嘅朋友，而且一物二用，露營及家用都得， 連租迷你倉嘅錢都鏗返， 正!
真係好羨慕日本嘅營友呀，先租後買嘅概念如果係香港真係堅正。唔知大家又點睇， 會唔會都想試試租用露營傢品做屋企傢具呢?
大家可以去佢地網站了解https://clas.style/contents/430
約定大家，我哋營地相遇啦!~
*相片及資料來源: CLAS / LOGOS
**以後關於露營圖片及分享，記得打Hash Tag（#HKHKCAMP）
Comments