記得之前出席一個露營活動，遇到一個專做木工嘅前輩，小編問佢會唔會覺得係露營嘅時候，做手工木造湯匙好浪費時間。佢話露營就係要做平時唔會做嘅事，要放空感覺一分一秒嘅時間。
佢嘅見解令小編印象深刻。沒錯平時生活忙碌，連好好地坐低食個飯都好奢侈，更唔好講做手作。
當然，要大家從原木開始，分割雕琢成木湯匙係近乎無可能嘅事。如果預先切割好，只需要進行最後裝置嘅動作，就可以造出屬於自己嘅山系用具，大家又點睇？
日本香取製作創作出呢幾款野營套裝，包括迷你香料盒，迷你餐桌套裝及咖啡滴漏架。即使大家唔擅長DIY，又無工具係手都可以輕輕鬆鬆製作出原創野營裝備。讓大家係露營嘅時候，都可以邊放空，邊享受DIY帶黎嘅樂趣。
講明露營時用黎消遣，係輕輕鬆鬆嘅製作，當然DIY套裝唔需要太多工具。而材料都一早切割好，仲有齊所需使用嘅金屬配件，螺釘等零件。大家只需按照說明，慢慢組裝就可以。拼裝完，仲可以塗上自己喜歡嘅顏色，成為世界上獨一無二嘅原裝露營裝備。
迷你香料盒，可以用黎放置露營時需要用嘅香料，真係超級IG able呀！
尺寸: 寬11.5cm x 高19.5m x 深9cm
迷你餐桌套裝。大細岩哂一人Solo超級輕巧。
尺寸: 寬28cm x 高10cm x 深22cm
咖啡滴漏架，呢個都係小編心水之選。即使唔露營，放係屋企型到無朋友。而且組裝拆卸都非常簡單。
尺寸: 寬14cm x 高15cm x 深10cm
如果有興趣嘅朋友，可以按此了解。
約定大家，我地營地相遇~
*相片及資料來源: 香取製作所
**以後關於露營圖片及分享，記得打Hash Tag（#HKHKCAMP）
Comments