最近有谷友係谷內分享, 到赤徑露營, 結果遇上潮漲, 成副家當都浸哂入水, 真係非常無奈!
(香港人露營分享谷谷友分享)
赤徑之所以出名, 除咗因為佢附近有唔少山明水秀嘅行山熱點外, 仲因為赤徑係水浸熱點. 每逢大潮水漲, 赤徑都會有水浸問題. 如果要去赤徑露營嘅朋友, 真心要留意以下幾點啦, 做定功課就玩得開心又放心啦.
有谷友提議: 每逢初一, 十五就有大潮!
初一, 十五月圓之夜, 都係大潮之時! 水浸機會都相當高. 除非大家想搵藉口換過哂套gear, 否則無論大家幾想去都盡量唔好係個段時間去啦!
(香港人露營分享谷谷友分享)
瀏覽天文台潮汐預測 留意水漲情況
有谷友非常有心, Cap哂圖教路, 可以上天文台網站或者相關Apps, 參考潮汐水漲預測報告. 即使唔係去露, 睇下都可以長長知識呀!
天文台潮汐水漲預測報告: https://www.hko.gov.hk/tc/tide/predtide.htm
(香港人露營分享谷谷友分享)
選擇合適位置扎營 遠離低窪地區
以赤徑為例, 整個地點都係水浸區. 即使相對唔算低窪嘅大碼頭附近, 其實都比較難預料會唔會浸哂家當. 所以遇到大潮, 真心唔好去會比較好. 而平時露營, 都應該盡量避開低窪地區, 甘樣先至最穩陣.
(香港人露營分享谷谷友分享)
多交流 累積經驗
其實以上情況, 相信好多初初玩露營嘅朋友都遇過. 小編慶幸身邊有朋友提點, 而谷內都有好多露營專家同大家交流, 互通消息. Try and Error嘅心態, 慢慢累積經驗, 就會越露越掂!
(香港人露營分享谷谷友分享)
所以, 如果大家有咩想分享, 報料, 都可以留意話比大家知呀!
另外要溫馨提示一下, 赤徑屬於非法露營地點之一, 如果被人捉到, 最高罰款$2,000, 仲要入獄14日呀. 大家谷友要小心!
約定大家, 我哋營地相遇~
**以上圖片及資料來源: 香港人露營分享谷谷友分享 / Google
**以後關於露營圖片及分享，記得打Hash Tag（#HKHKCAMP）
Comments