秋冬係露營最好時節, 天氣清涼, 秋風送爽, 再加上暖暖一道陽光, 真係暖入心! 不過千萬唔好以為秋冬天陽光溫暖就可以懶理防曬, 陽光之下紫外光指素仍然非常高, 出外行山、露營都必須要做好防曬同保濕準備呀!
圖片來源: JNTO
今日就同大家分享一下, 平時小編露營嘅時候, 必備嘅防曬三寶! 唔知大家又岩唔岩使呢?!
防UV 闊邊帽
防曬當然從頭開始, 所以一頂型格得黎又有功能性嘅闊邊帽係必備嘅! 小編獨愛漁夫帽, 平時會選擇有頸繩嘅款式, 可以索緊唔怕被風吹走之外, 唔帶時仲可以掛係頸上! 平時出街, 唔需要特別配襯, 都可以輕鬆塑造造型感.
揀選嘅時候, 大家可以選擇透氣度高及防UV功能嘅布料. 市面上都推出唔同專為戶外活動而設嘅帽, 輕巧便攜, 更可以有效阻擋對頭部皮膚造成傷害嘅紫外光線.
圖片來源: The North Face
圖片來源: Sunday Afternoons
防曬手套、冰涼感手袖
另一樣防曬好物, 都係小編經常會用到嘅就係防曬袖. 一般防曬袖物料已經非常輕巧, 如果有涼感布料會係最佳選擇, 因為夏天嘅時候, 最怕就係又熱又焗, 如果有涼感功能, 帶上會有陣陣清涼感覺, 防曬又舒服.
另外, 防曬手套係行山時都係防曬好幫手. 可以係拎行山枚時保護手背, 免受陽光曬傷!
顏色方面, 建議選擇深色為主, 因為顏色越深, 就越能夠吸收更多紫外線, 為皮膚提供更好保護.
圖片來源: Nike
防曬乳液用品
雖然配帶上防曬帽及防曬袖, 但身體及臉部防曬用品都需要使用, 先可以全面保護. 曾經聽過一個皮膚科醫生講, 當皮膚曬傷之後, 以為只係脫皮無大礙, 但其實紫外光線嘅傷害可以潛藏係皮膚十幾年先引發出黎, 所以千萬唔可以睇少!
圖片來源: HelloYishi
防曬用品通常分化學防曬, 物理防曬及混合防曬, 有唔同防曬系數, 大家可以因應係戶外時間長短而決定使用度數. 雖然某些防曬用品有防水防汗功能, 但都建議係戶外每兩個鐘要補搽一次.
圖片來源: HelloYishi
圖片來源: HKet
皮膚曬後會出現脫水情況, 加上秋冬天天氣乾燥, 就更加需要注意保濕. 戶外活動或露營日曬後可以使用對皮膚溫和含蘆薈成份嘅保濕霜, 舒緩日曬後唔舒服感覺. 不過如果出現紅腫曬傷情況, 就要馬上搵醫生處理啦!
另一個好易被大家忽略嘅地方就係脆弱嘅嘴唇，特別係秋冬季乾燥天氣，就更加需要做好防曬及保濕。由 Jennie 代言嘅韓國品牌 Tamburnis 最新推出蛋形香味潤唇膏系列，好適合呢排乾燥嘅天氣！潤唇膏採用豐富植物油，一擦就立刻為嘴唇提供營養，滋潤乾燥嘅雙唇。特別之處喺潤唇膏加入草本香水成份，滋潤之餘仲有淡淡的香氣傳到鼻尖，同時具備觸覺同嗅覺享受！
潤唇膏一共 4 款：
Rose Woody 葡萄柚ᅵ優雅玫瑰ᅵ麝香
細膩的玫瑰香具有現代的優雅。 加上葡萄柚的柑橘和乳香的辛辣感，帶來誘人的魅力和現代感。 木質餘韻中隱隱透出麝香，籠罩著整個香味。
圖片來源: TAMBURINS
MILK TEA 香檸檬|淡雅紅茶|椰子
以紅茶香味為主調，帶有淡淡的花香，彷似一杯紅茶加入一滴熱牛奶攪拌時慢慢滲入鼻子的柔和香氣，給人一種舒適的溫暖感。 清爽新鮮的佛手柑和檸檬與黑茶的苦澀互相協調，豐富了香味的層次。 尾調椰子香味若隱若現，整體香氣更柔和、甜美。
圖片來源: TAMBURINS
Woody Green 新鮮橘汁 | 芳香草本 | 布枯葉
黎明時分，在森林中穿插遊走，聞著新鮮草味，感受四面八方傳來清甜橘汁、布枯葉與羅勒的綠意氣息。薰衣草、白里香的草本香氣在接觸嘴唇時透出涼爽、芳香的感覺，讓人瞬間放鬆。隨後隱約有香草的甜美木質餘韻。
Unscented 無香味
蛋形香味潤唇膏喺11月20日官網正式發售！有興趣嘅營友們唔好錯過，一齊趕走沙漠唇，擁有水潤嫩唇迎接今個冬天！
今個秋冬, 沉浸式享受露營, 戶外活動及日光浴, 同時記得做足防曬保濕, 咁就唔怕再同陽光玩遊戲啦!
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments