政府營地正式開放，係時侯出動享受露營季嘅空氣！無論你去政府營地、私人營地或者X位，都要準備好露營裝備，圍爐訪問Part2睇吓各位Camping達人有咩好推介啦～ 想睇返Part 1可以按此 . 當日仲拍攝咗好多有趣片段，就連HKCAMP谷主都有被採訪，想睇就留意holimood，而HKCAMP就主要訪問大家露營開季嘅裝備， 一齊睇吓佢哋有咩分享？
* 最近我哋會多啲update YouTube Channel影片希望大家支持下幾多訂閱，感謝。
D&E outdoor David 大家應該對David都唔會陌生，David 絕對係露營前輩，露營多年同一直為香港露營出力，最近大熱嘅露營活動，相關嘅柴火煮食全部都經由David出手， 用柴火烤三文魚等等⋯⋯相信大家點都聽過吓。
訪問中小編問David有咩露營裝備可以同大家分享吓？ 佢即刻攞晒出嚟，實在嘆為觀止，當中一個木盒最令小編深刻， 原來入邊有多種煮工具及調味料等等⋯⋯更有一支威士忌，全都用作柴火煮食需要， 只要一個盒就能變化出多款柴火美食， 實在令人流口水，不過可惜當日我哋訪問時間太短未有時間整嘢食 (可惜)
訪問當日David即場生火，老實講露營Campfire真係好重要，當柴火點起嘅時候全場人都特別興奮同開心， 不愧係柴火達人。
雖然當日無得試美食，但係David就分享咗私伙即磨咖啡，露營就係一班志同道合嘅朋友一齊吹吹水享受大自然環境，你又係咪咁諗呢？
David分享嘅露營裝備都係以煮食為主，當中呢個水煲外型都幾特別， 原來係日本嘅出品因為受火嘅面積比較大，所以好快就可以水滾，特別推介！ 對於煮食有要求嘅你又會唔會受到David影響， 同樣有一個煮食嘅法寶盒， 煮出露營美食。 同David訪問間的確學到唔少野，佢人好好有問必題，露營經驗亦都非常豐富， 如果大家喺露營場地見到佢一定要捉住佢傾計。
小朱姨姨經常帶一班小朋友去露營，絕對係超級熱愛露營，就連囡囡都係一樣！ 而且仲會經常搞一啲親子露營活動將小朋友帶到大自然，感受露營。
係訪問過程中小編覺得小朱姨姨係一個好有活力嘅人， 原來佢哋一家人經常孭住好重嘅嘢周圍露營囡囡亦都享受其中。小朱姨姨係從事音樂教學， 所以經常會接觸到好多唔同嘅family同埋小朋友， 佢認為大自然可以比到小朋友更更豐富嘅資源令到佢發揮更好嘅想像， 而且露營場地有更大嘅空間可以比小朋友跑， 小朋友同小朋友之間更可以互相交流，從而達到健康嘅成長。
小編問到同小朋友去露營又有咩裝備分享呢？ 由於訪問當日未有過夜，所以只係帶咗簡單嘅嘢嚟野餐。小朱姨姨分享嘅裝備就係食物同小朋友會用到嘅小枱櫈， 親手整嘅食物拼盤賣相非常可愛，除咗吸引小朋友之外小編同其他露營達人都嚟咗打卡，好有心思。 問及仲有冇其他裝備，小朱姨姨反而講裝備越簡單越好，最重要係人。露營裝備基本帳篷睡袋等等⋯⋯簡單煮食用具就足夠， 因為好多時都需要孭住好重嘅嘢，所以越簡單越好，夠就得。對佢嚟市有小朋友同埋親朋好友就夠，人先係最重要，只要大家喺埋一齊幾時都係最開心嘅露營，真係講得好好簡單直接。
小編當日見到佢同囡囡一齊食嘢整個感覺好開心， 感情相當好。 而且在過往嘅活動當中見到一班小朋友全部都玩得好開心，佢哋無需要嘅係空間同互動，並不是露營裝備， 所以大家都可以帶自己小朋友簡單咁享受露營， 踏出第一步享受大自然。
圍爐訪問能夠一次接觸咁多露營達人，感受到唔同人嘅喜好真係好難得， 希望大家都可以感受到佢哋每人唔同嘅喜好分享， 無論重裝輕裝用咩品牌都好，最重要嘅就係同親朋好友開心露營，好好享受。
約定大家, 我地營地相遇~
編: Sky
設計: Add
**以後關於露營圖片及分享，記得打Hash Tag（#HKHKCAMP）
コメント