HKCAMP《露營與慢活的生活哲學》系列 ，回歸最簡單的快樂，探索慢活與露營的生活哲學！生活在香港，我們經常被快節奏的生活所壓迫，總是在忙碌，卻忽略了自己的健康。慢活與露營系列，是探討露營及慢活的生活方式，讓我們試試放下煩惱，享受大自然的美好， 今次請來瑜伽導師CICI分享，佢對露營嘅睇法。
小編認識葉韋詩 (CiCi)，係因為上年HKCAMP嘅秋季露營活動，當時就喺草地上邊教我哋瑜伽，上次太有感覺啦。瑜伽與露營好適合慢活系列，所以膽粗粗搵Cici，希望一齊探討一吓。
為什麼會接觸瑜伽？ 瑜伽會令你慢起來？
CiCi分享原來佢以往性格比較衝動，係大學時想培養一種興趣，由零開始學起如何放慢，就係2016年佢 「遇上」瑜珈，轉眼至今7年過去，CiCi更係2021年正式成為一位瑜珈導師 。
CiCi 認為慢活其實沒有特定嘅形式，反而心態先係決定慢活嘅重點！瑜伽係令佢進入慢活狀態嘅關鍵，因為瑜伽講求由內至外，身心合一。慢活不只係行動變慢，而係講求內在思想要放緩去配合身體節奏，慢慢覺察自己嘅需要，讓自已輕鬆應對外在挑嘅戰與變遷，而瑜珈就係一切嘅開端。
室內・室外瑜伽有咩唔同？
最大嘅分別就是室外瑜伽有踏青嘅感受，而室內練習瑜伽會比較侷促。相比之下，室外瑜伽增加與戶外環境嘅連結與互動，感受大自然過程中亦可以增強自己嘅感官。
例如: 睇到眼前嘅優美風景、聞到新鮮嘅空氣、感受到陽光照射落嚟嘅溫暖，都有助我哋清空雜念，專注當下提升參加者嘅專注力同集中力，從而對自己嘅狀態有更深入的感受，與大自然和諧共處一”listen to your body “ 。
CICI的慢活生活？
同大部份香港人一樣生活急促，每天圍繞住大大小小的問題，但晚上訓覺前會有一個小習慣。讓自已靜下來深呼吸，慢鏡頭回顧今日所做過嘅事，記底發生過嘅小確幸，練習好好聆聽自己身體、放慢節奏，專注當下，咁樣令自已更正面的態度面對世界。
CICI認為人生匆匆，與其浪費時間焦慮，不如透過感恩冥想，讓正念思考帶你遠離負面情緒，透過正念練習靜下來深呼吸，專注在自己能做的事情上，意識到只要相信自己，接受自己，就能達到心靈平和。
瑜伽亦須環思想同時要配合身體嘅節奏，自然感覺到自己有需要去放鬆放慢。
第一次露營趣事
原來今年3月係CICI第一次試玩Glamping，其中有啲趣事發生，朝早聽到公雞嘅叫聲，不停叫⋯⋯自然醒嘅我再睇睇時間原來先係6:30AM ，我心唸真係好早，但靈機一觸不如就而家練習冥想和瑜珈練習，聽住周圍嘅雀仔聲，寂靜有時候係一種享受，果然係一個不錯體驗。
係瑜伽練習中，呼吸係最重要嘅一個環節，室內空氣流通性遠遠比不上在自然中嘅清新，大自然中嘅含氧量高，不自覺地展開深呼吸，有利於加強心肺功能。
露營時，可做簡單瑜伽動作
簡易瑜伽動作
1 Child's Pose動作： 雙腳合併跪在墊上，伸直雙手，腰部帶動身體慢慢彎低（腰背要保持挺直），直到額頭踫地。合上眼睛，保持鼻吸鼻呼。
初做者動作維持3分鐘。 好處： 從肩、背、臀至大腿肌肉都能得以伸展，嘗試集中力落在臀部能否緊貼腳踭，以及左右臀是否平衡，放慢感受自己的身體去忘卻周圍壓力。保持 30 秒，然後慢慢鬆開，完成一下動作。重複3到5次。
2. Butterfly pose (蝴蝶式)
坐在地板上，雙腿彎曲，兩腳腳底併攏。
讓你的膝蓋輕輕地向兩側傾斜，並將手放在你的腳或小腿上。 你的腳離臀部越近，這個姿勢就越有挑戰性。保持鼻吸鼻呼
吸氣並拉長你的脊柱，身體微微向前。
呼氣並放鬆膝蓋，使其靠近地面。保持 30 秒，然後慢慢鬆開，完成一下動作。重複3到5次。
好處:
該姿勢針對下背部、臀部和大腿肌肉，有助於減輕疼痛、增強靈活性並增加運動範圍。總的來說，蝴蝶式在身心上都有舒緩、放鬆的效果，可能有助於提高能量水平。 它還可能有助於釋放儲存在臀部和周圍區域的情緒。
為了增強這些放慢&緩解壓力的效果，建議請在擺姿勢時專注於深呼吸或練習呼吸練習。
小編都好高興能夠再次同Cici見面，今次真係獲益良多，對瑜伽嘅認識有更深了解，其實面對 生活嘅壓力， 都可以透過唔同嘅方式放鬆感受慢活，小編都要學習一下睡前深呼吸回顧一下每日嘅小確幸先，再次多謝Cici分享。
嚟緊CiCi都會舉辦唔同户外教瑜珈班，或會再與HKCAMP 合作舉辦活動，好期待到時見到你哋，敬請留意CiCi的社交平台。
IG /@cicisimplelife
Youtube Channel /https://bit.ly/3zTFZ5t
**以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
Comentários