早前報道過一直身體力行，肩負環保使命嘅戶外用品品牌Patagonia，6月下旬有新店登陸中環鬧市啦。
Patagonia一直推動環保攀岩文化，係業界先驅者。適逢品牌提倡嘅Clean Climbing文化發展踏入50周年，今次中環新店就採用攀岩元素作為核心理念， 再度邀請到屢獲電影獎項嘅知名美術指導黃炳耀（Pater）合作，繼續呼應Clean Climbing文化嘅初衷。
全新概念店糅合攀岩元素，Pater係今次中環概念店嘅美術設計，屢獲電影美術獎項嘅佢憑《投名狀》、《如果·愛》以及《金雞》等作品榮獲「香港電影金像獎—最佳美術指導」及「台灣電影金馬獎—最佳藝術指導」等殊榮。
動靜皆宜嘅Pater更熱衷於跑山及越野單車等運動。正正跟Patagonia嘅理念不謀而合。今次中環新店，Pater就透過運用火山灰石，配合本土工匠嘅人手琢磨，製作出Patagonia logo牌匾，保留人手琢磨嘅原始質感，完美呼應作為Patagonia品牌基礎嘅攀岩元素。
Pater係新店設計中選用自然元素，透過新嘅媒介石材來融合創意與美學態度。當佢揀選石材嘅時候，佢發現石材本身自然嘅破爛或斷裂都帶有一種原始美感，所以啟發咗新店呈現人手琢磨質感嘅設計意念。
過往Pater做設計會向『美』嘅角度出發，但係佢現在反而會考慮除了美之外，到底點做可以對地球更好﹖所以會唸辦法物盡其用，就算有時製作過程出錯，都唔會浪費資源，靈活變通下換個方法就行得通，現在就偏向順從自然。
於服務檯位置，用火山灰石材製作出黎嘅特色吊燈。枱面加入岩石元素，店舖部分地板及牆身均由岩石所砌成，貫徹今次Patagonia向攀岩文化致敬嘅主題。
經過服務檯後，產品分類一目了然，方便客人揀選適合自己嘅服裝及裝備。
由採用回收漁網所製成嘅NetPlus®系列、到針對攀岩以至越野跑需要嘅戶外專用產品、進階機能表現 嘅H₂No™系列單品、背包、以至衣櫃單品P-6 LogoResponsibili-Tee®，都一應俱全。Responsibili-Tee®系列係採用回收棉花及再生塑料所製，生產過程亦減少環境污染，結合舒適質感與剪裁，就係Patagonia最具代表性嘅系列之一。
今個夏季，就黎中環店為大家嘅戶外活動置裝啦!
Patagonia中環概念店
地址：中環德輔道中68號萬宜大廈商場G01A號舖
電話：2155 9567
營業時間：10：00-20：00
約定大家， 一齊著靚靚， 營地再相遇！
*相片及資料來源: Patagonia HK
**以後關於露營圖片及分享，記得打Hash Tag（#HKHKCAMP）
Comments